Мармуровая ялавічына, салата, крабы, агуркі, чорная ікра — вось інгрэдыенты самага дарагога бургера. Зверху незвычайны бургер пакрыты харчовым сусальным золатам.
Падаюць страву на аксамітным падносе, абавязкова дадаюць да яго келіх шампанскага і запаленыя бенгальскія агні.
Паводле слоў шэф-кухара краснадарскага рэстарана Івана Цярэнцьева, "голдбургер" з'явіўся ў меню ўстановы тыдзень таму, і з таго моманту наведвальнікі ўжо шэсць разоў замовілі гэтую страву. Кухар адзначыў, што залаты бургер не рэдкасць у рэстаранах Вялікабрытаніі, Шатландыі і ЗША.
