Эксклюзіўны ў Беларусі фрагмент навагодняга дэкору распрацавалі работнікі прадпрыемства "Гарсвятло". Самі стварылі чарцяжы і выбралі матэрыял. Спецыялісты арыентаваліся на дакладнасць: запэўніваюць, што ўсе прапорцыі сапраўды выкананы. Напрыклад, кут нахілу Пізанскай вежы ў адносінах да вертыкалі ідэнтычны рэальнаму, і нават гадзіннік на вежы Вестмінстэрскага палаца адлюстроўвае рэальны час.
Мантаж кожнага элемента ажыццяўляўся, калі ў парку амаль не было людзей, у тым ліку ўначы.
Яны аператыўна накрываліся маскіровачнай тканінай. Такія складанасці былі абумоўлены жаданнем гарадскіх уладаў да апошняга захаваць інтрыгу і не дазволіць каму-небудзь "скапіяваць" творчую распрацоўку.
Інтрыга захоўваецца да гэтага часу. Sputnik так і не ўдалося высветліць, колькі макетаў сусветных славутасцяў у выніку засвеціцца ў скверы імя А. Грамыка. Пакуль іх толькі пяць. Гэта егіпецкія піраміды фараонаў, англійскі Біг-Бэн, французская Эйфелева і італьянская Пізанская вежы, Дубайскі гатэль-"парус". Па словах працоўных Гарсвятла, Беларусь абавязкова будзе прадстаўлена ў светлавым парку і, магчыма, не адной славутасцю.
Гомельскі светлапарк афіцыйна адкрыецца ўвечары 15 снежня і будзе працаваць да Старога Новага года.
