Беларусь пастаўляе прадукты харчавання ў 58 краін свету, у тым ліку ў краіны Еўрасаюза. Пры гэтым на Расію прыпадае 94% экспарту беларускіх прадуктаў харчавання. Прэтэнзіі па якасці з усіх імпарцёраў беларускага харчавання прад'яўляе толькі Расея.
Міністр сельскай гаспадаркі Беларусі Леанід Заяц у праграме тэлеканала АНТ "Трэба разабрацца" на канкрэтных прыкладах распавёў аб парушэнні працэдур ацэнкі якасці ведамствамі Расіі, а таксама прамой фальсіфікацыі беларускіх тавараў.
"На жаль, гэта не адзінкавыя выпадкі, ужо пайшлі масавыя", — кажа Заяц.
Прэтэнзіі Рассельгаснагляду таксама выклікаюць здзіўленне міністра, як і працэдуры ацэнкі якасці беларускай прадукцыі.
"Рэкламацыі з іншых краін, куды мы пастаўляем сваю прадукцыю, напрыклад з Арабскіх Эміратаў, ЗША, Кітая, краін Еўрасаюза, пакуль не паступала. Пачасціліся выпадкі паступлення такіх рэкламацый з боку нашага галоўнага партнёра — Расійскай федэрацыі", — адзначыў міністр.
Аўдыёзапіс слухайце на радыё Sputnik Беларусь.
