МІНСК, 20 сне — Sputnik. Аранжавы ўзровень небяспекі зноў абвешчаны ў Беларусі: у сераду 21 снежня прагназуецца моцны туман і галалёдзіца, паведамілі Sputnik у аўторак у Рэспубліканскім цэнтры па гідраметэаралогіі, кантролі радыёактыўнага забруджвання і маніторынгу навакольнага асяроддзя.
Гідрамет у панядзелак апублікаваў папярэджанне на аўторак — з-за туману ў шэрагу рэгіёнаў Беларусі.
"У сераду на большай частцы тэрыторыі рэспублікі, Мінскай вобласці і ў Мінску захаваецца туман, па ўсходняй палове краіны чакаецца галалёд, на дарогах галалёдзіца", — сказалі ў сіноптыкі.
Суразмоўцы Sputnik таксама паведамілі, што бачнасць у тумане не перавысіць днём 100-500 метраў.
Паводле інфармацыі начальніка службы гідраметэаралагічных прагнозаў Гідрамета Дзмітрыя Рабава, апошняя дэкада снежня ў рэспубліцы будзе цяплей, чым звычайна: адліга зацягнецца да Новага года, невялікі мароз магчымы толькі па начах.
