МІНСК, 23 сне — Sputnik. Кармянскі райаддзел Следчага камітэта ўзбудзіў крымінальную справу ў дачыненні да 60-гадовага мужчыны, які падазраецца ў спробе забойства жонкі і падпале, паведаміла Sputnik у пятніцу афіцыйны прадстаўнік УСК па Гомельскай вобласці Марыя Крываногава.
Інцыдэнт адбыўся 21 снежня ў вёсцы Зятковічы: нецвярозы мужчына некалькі разоў ударыў 66-гадовую жонку па галаве малатком, затым падпаліў дом і паспрабаваў здзейсніць суіцыд.
"Пацярпелая нягледзячы на цяжкі фізічны стан змагла выбрацца з дому і звярнуцца па дапамогу да суседзяў", — сказала Крываногава.
Паводле яе слоў, жанчыну змясцілі ў рэанімацыю Кармянскай раённай бальніцы, супрацоўнікі МНС пажар патушылі. Мужчына супрацоўнікамі міліцыі быў затрыманы.
У дачыненні да пенсіянера распачата справа па ч. 1 арт. 14, п. 6 ч. 2 арт. 139 (замах на забойства, здзейсненае з асаблівай жорсткасцю) і ч. 2 арт. 218 (наўмыснае знішчэнне маёмасці, здзейсненае агульнанебяспечным спосабам) Крымінальнага кодэкса Беларусі.
