МІНСК, 25 сне — Sputnik. Гасцямі кніжнага кірмашу ў Мінску стануць брытанскія пісьменнікі, аднак іх імёны называць пакуль рана, паведамілі Sputnik у пасольстве Вялікабрытаніі ў Беларусі.
Мінская міжнародная кніжная выстава-кірмаш пройдзе 8-12 лютага 2017 года ў беларускай сталіцы. Ганаровым госцем яе стане Вялікабрытанія — праграму мерапрыемстваў яшчэ распрацоўваюць.
"Вядома, прыедуць і брытанскія пісьменнікі. Цяпер складана назваць канкрэтныя імёны, ідуць перамовы", — паведамілі Sputnik у брытанскім пасольстве. Плануецца, што праграма стэнда Вялікабрытаніі на кніжным кірмашы будзе акцэнтавана на трох асноўных тэматыках: брытанскі выдавецкі бізнэс, вывучэнне англійскай мовы і адукацыйныя магчымасці Вялікабрытаніі.
Гасцям кірмашу раскажуць пра сучасную брытанскую літаратуру, вывучэнне і выкладанне англійскай мовы, стыпендыі на навучанне ў каралеўстве і пра шмат іншых цікавых тэм.
