МІНСК, 26 сне — Sputnik. Высвятляюцца абставіны дарожна-транспартнага здарэння ў Кіраўску, у выніку якога загінуў адзін чалавек і два пацярпелі, паведамілі Sputnik у панядзелак у Магілёўскім АУМЧС.
Аварыя адбылася вечарам 25 снежня на вуліцы Гагарына ў Кіраўску. Nissan Almera, якім кіраваў вадзіцель 1989 года нараджэння, урэзаўся ў прыпаркаваны на абочыне праезнай часткі паўпрычэп.
У выніку ДТЗ тры чалавекі, якія ехалі ў легкавым аўтамабілі, апынуліся заблакіраванымі зламанымі канструкцыямі машыны. Супрацоўнікі выратавальнай службы, якія прыбылі на месца здарэння, вынялі пацярпелых з дапамогай спецінструменту і перадалі медыкам.
Паводле інфармацыі МНС, жанчыны-пасажыркі і кіроўца былі шпіталізаваны ў Кіраўскую раённую бальніцу, аднак кіроўца памёр у прыёмным пакоі медустановы.
