МІНСК, 26 сне — Sputnik. Пажар у лідскім інтэрнаце стаў прычынай гібелі мужчыны, 62 чалавекі эвакуіраваны, паведамілі Sputnik у Гродзенскім абласным УМНС.
Паведамленне пра пажар у інтэрнаце, размешчаным у Лідзе на вуліцы Талая, паступіла выратавальнікам глыбокай ноччу, каля 03:20, у нядзелю: гарэла кватэра на дзевятым паверсе.
Пажарныя, якія прыбылі на месца, выявілі на падлозе ў пакоі абгарэлы труп мужчыны 1964 года нараджэння. Агнём было знішчана маёмасць у пакоі, закураны сцены і столь.
З памяшканняў, размешчаных на восьмым і дзевятым паверхах інтэрната, эвакуіраваны 62 чалавекі, у тым ліку двое дзяцей, сярод іх пацярпелых няма.
Паводле папярэдняй версіі, пажар узнік з-за неасцярожнасці пры курэнні.
