МІНСК, 28 сне — Sputnik. Збор грошай на "сэксісцкія" майкі запусціў на краўдфандынгавай платформе "Вулей" дызайнер і кіраўнік студыі Ян Карпаў. "Майкі для дзяўчынак, якім падабаецца быць дзяўчынкамі" — пазначана ў апісанні праекта.
Дызайнер нагадаў, што апублікаваная ў фэйсбуку паштоўка з двума навагоднімі шарыкамі выклікала шырокі рэзананс. "Я хачу такую майку!" усклікалі некаторыя феміністкі. Калі ласка! Вось вам такая майка. І яшчэ чатыры", — напісаў Ян Карпаў.
Спецыяльна для праекта былі распрацаваны пяць варыянтаў прынтоў для маек. Не абыйшлося і без майкі з коцікамі. Дастаўка "сэксісцкіх" вырабаў будзе ажыцяўляцца ў лютым наступнага года.
На момант стварэння публікацыі ў праекта быў толькі адзін фундатар, ахвяраваць на футболку патрэбна 25 рублёў.
