МІНСК, 29 сне — Sputnik. Праваслаўныя святары нагадалі, што Новы год прыходзіцца на пост, і паведамілі, што некалькі мінскіх цэркваў у навагоднюю ноч правядуць службы.
У Беларускім экзархаце Sputnik паведамілі, што навагодні малебен і Боская літургія будуць адслужаны ў Храме ў гонар іконы Божай Маці "Дзяржаўная" ў Свята-Лізавецінскім манастыры (Навінкі), у храме Мікалая Японскага (вул. Лідская, 3, станцыя метро "Каменная горка"). У гэтых храмах службы пачнуцца ў 00:00.
У храме Апанаса Брэсцкага (вуліца Рагачоўская, 8а, станцыя метро "Уручча") служба пачнецца 31 снежня ў 23:00, у 17:00 у апошні дзень адыходзячага года святар будзе віншаваць вернікаў, распавялі суразмоўцы агенцтва.
Таксама ў навагоднюю ноч будзе адкрыты храм у гонар Святой Тройцы, які знаходзіцца на тэрыторыі храма Усіх святых (вуліца Каліноўскага 121, станцыя метро "Усход"), за гадзіну да надыходу новага года пройдзе споведзь, а роўна апоўначы пачнецца літургія, распавялі святары.
Акрамя гэтага, службы ў навагоднюю ноч пройдуць у царквах у гонар абраза Божай Маці "Спагнанне загінулых" (вуліца Карастаянавай, 14), у храме Жываначальнай Тройцы (вуліца Севастопальская, 100), у храме Андрэя Першазванага (вуліца Малініна), паведамілі ў экзархаце.
Калядны пост у праваслаўных завершыцца 7 студзеня, у ноч з 6 на 7 студзеня ва ўсіх праваслаўных храмах пройдуць усяночныя святочныя службы.
