МІНСК, 3 сту — Sputnik. Урачыстая цырымонія ўзнагароджання пераможцаў і прызёраў XX Рэспубліканскай выставы-конкурсу дэкаратыўна-прыкладнай творчасці навучэнцаў "Калядная зорка" адбудзецца 4 студзеня, паведамілі ў Нацыянальным цэнтры мастацкай творчасці дзяцей і моладзі.
На усіх этапах конкурсу было прадстаўлена больш за 500 індывідуальных і калектыўных творчых работ навучэнцаў з усіх куткоў краіны. Тэматыка работ: "Зіма", "Нараджэнне Хрыстова", "Новы год", "Навагоднія гісторыі, казкі".
Таленавітыя дзеткі выкарыстоўвалі самыя розныя тэхнікі дэкаратыўна-прыкладнай творчасці. Сярод іх ітакія складаныя, як выцінанка, саломапластыка, мастацкі роспіс, кераміка, вышыўка, ткацтва, габелен, аўтарскія лялька, мяккая цацка.
Журы вызначыла 29 пераможцаў і 52 прызёра выставы-конкурсу ў намінацыях "Тэкстыль", "Мастацкі роспіс", "Мастацкая саломка", "Выцінанка", "Кераміка", "Інтэр'ерная лялька", "Ёлачная цацка", "Сюжэтная кампазіцыя", "Паштоўка-віншаванне", "Сувенір-падарунак", "Арт-аб'ект" і "Навагодні касцюм".
