МІНСК 3 сту — Sputnik. Прыход маразоў чакаецца ў Беларусі на бягучым тыдні — да праваслаўнага свята Нараджэння Хрыстовага тэмпература паветра апусціцца ніжэй —10 °С, паведаміў Sputnik начальнік службы гідраметэаралагічных прагнозаў Рэспубліканскага цэнтра па гідраметэаралогіі, кантролі радыёактыўнага забруджвання і маніторынгу навакольнага асяроддзя Дзмітрый Рабаў.
"У першы тыдзень 2017 года надвор'е будзе вельмі зменлівым: спачатку галалёдзіца, потым моцны вецер і снегапады, затым ўдараць маразы", — сказаў сіноптык.
Так, у аўторак 3 студзеня на дарогах рэспублікі і ў Мінску чакаецца галалёдзіца, а тэмпература паветра складзе 0… —6 °С.
"У сераду 4 студзеня праз Беларусь будзе перамяшчацца актыўны цыклон, які прынясе на большую частку тэрыторыі рэспублікі ўзмацненне ветру парывамі да 15-21 м/с, раніцай і днём моцны снег", — сказаў сіноптык.
На сераду спецыялісты Гідрамета абяцаюць днём каля 0 градусаў, да вечара — каля —2 °С.
"Далей, да Каляд, рэзка пахаладае і ўдараць студзеньскія маразы", — сказаў Рабаў.
Паводле інфармацыі Гідрамета ў чацвер днём тэмпература ўжо панізіцца да —10..12 °С.
