Трылогію "Уладар пярсцёнкаў" пакажуць у Мінску на вялікім экране

Падпісацца на
НовостиTelegram
У рамках праекта Cinemascope мінчане ўжо паглядзелі "Матрыцу", "Назад у будучыню" і іншыя карціны, паказы кінакласікі працягваюцца.

МІНСК, 3 сту — Sputnik. Трылогію Пітэра Джэксана "Уладар пярсцёнкаў" пакажуць у кінатэатры "Масква" у Мінску з 24 па 26 лютага. Фільм зняты па матывах рамана Дж. Р.Р. Толкіна, аднаго з самых папулярных пісьменнікаў ХХ стагоддзя. Карціна семнаццаць раз атрымлівала прэмію "Оскар".

Гера Глік, стваральнік праекта Cinemascope ў Беларусі, падзяліўся з карэспандэнтам Sputnik сваім меркаваннем аб праглядзе класікі ў кінатэатры.

"Вялікі экран і подых суседа, які падзяляе твае эмоцыі, паляпшаюць ўспрыманне фільма. Трагедыі атрымліваюцца больш сумнымі, камедыі — весялей. Гэта як футбол на стадыёне паглядзець — непараўнальна з праглядам ля тэлевізара", — упэўнены суразмоўца Sputnik.

Арганізатары паказаў абяцаюць паказаць пашыраныя версіі двух частак, усе фільмы дэманструюцца на англійскай мове з субтытрамі.

Стужка навiн
0