МІНСК, 6 сту — Sputnik. Самыя заўзятыя серыяламаны будуць задоволеныя, у новым тэлевізійным сезоне іх чакае бадай самая выбітная стужка прэм'ераў. Рэдакцыя Sputnik адабрала на ўласны густ пяць самых чаканых шоў.
"Жалезны Кулак" — чацвёрты сумесны серыял Netflix і Marvel з сусвету "Абаронцаў". Да гэтага ўжо выходзілі "Падшыванец", "Джэсіка Джонс" і "Люк Кейдж". Тэлеаўдыторыі нядрэнна было б пазнаёміцца з Дэніэлам Рэндзі, ролю якога выконвае Фін Джонс (Лорас з "Гульні тронаў"). Герой-сірата трапляе ў чароўны горад К'ун-Лун, асвойвае баявое мастацтва і вяртаецца ў Нью-Ёрк, каб адпомсціць за смерць бацькоў. Стваральнік і шоўранер 13-серыйнага "Жалезнага Кулака" Скот Бак адказны за сцэнар цэлага шэрагу эпізодаў такіх серыялаў, як "Дэкстэр", "Рым" і "Кліент заўсёды мёртвы". (Netflix, 17 сакавіка)
"Вялікая маленькая хлусня" — экранізацыя папулярнага рамана Ліяны Марыярці. Рэжысёр "Далласского клуба пакупнікоў" і "Дзікай" Жан-Марк Вале паставіў усе сем серый першага сезона гэтага праекта. Стваральнік шоў Дэвід Э.Кэлі сабраў вялікіх зорак у асобе Ніколь Кідман, Рыз Уізэрспун і Шейлін Вудл. Акцёрскі склад выглядае шматспадзеўна: акрамя выканаўцаў трох галоўных роляў, у серыяле таксама задзейнічаны Аляксандр Скарсгард, Зоі Кравіц, Адам Скот і Лора Дзёрн. (HBO, 19 лютага)
"Табу" — міні-серыял у васьмі частках. Том Хардзі аб'ядноўваецца з стваральнікам "Вострых казыркоў" Стывенам Найтам, каб распавесці гісторыю пра прыгоды, здрадзу, помсту і велізарнай карпаратыўнай машыне на ачатку XIX стагоддзя. Гэты праект быў створаны Найтом, Хардзі і яго бацькам. Таксама сярод выканаўчых прадусараў праекта лічыцца Рыдлі Скот. За другі план адказваюць Джонатан Прайс, Уна Чаплін, Стывен Грэм, Майкл Келі, Том Холандэр і Франка Патэнтэ. (BBC, 7 студзеня)
"Амерыканскія багі" — экранізацыя выбітнога рамана Ніла Геймана аб тым, як старажытны скандынаўскі бог Одзін змагаецца з найноўшымі тэхнабогамі пры дапамозе былога крымінальніка. Праект доўгі час знаходзіўся ў ведамстве HBO, яго стварэннем займаюцца Браян Фулер ("Ганібал") і Майкл Грын (сцэнарыст фільмаў "Чужы: Запавет" і "Бегучы па лязе 2049"). Крэсла рэжысёра занялі Дэвід Слэйд і Вінчэнца Наталі. Акцёрскі склад прадстаўляюць: Джыліян Андэрсан, Эмілі Браўнінг, Крыспін Гловер, Петэр Стармарэ, Джэрэмі Дэвіс і нават Дэйна Кук. (Starz, вясна)
"Твін Пікс" — Дэвід Лінч не проста здымае свой першы паўнавартасны праект за апошнія 10 гадоў, але і вяртаецца да, мабыць, самага значнага серыялу ў гісторыі ТБ, на якім многія з нас раслі і выхоўвалі цікаўнасць да кіно.
Лінч прыцягнуў да праекту ўвесь стары састаў, уключаючы агента Купера (Кайл МакЛоклен), і дадаў да яго новых зорнак з Монікі Белучы, Джыма Белушы, Эшлі Джад, Майкла Сера, Джэніфер Джэйсан Лі, Лоры Дзёрн, Наомі Ўотс, Аманды Сайфрэд, Ціма Рота, Тома Сайзмора. Дзеянне новага шоў будзе адбывацца праз 25 гадоў пасля арыгінальнага. Гэта прамы працяг, а не рэмейк. Дакладнай даты рэлізу ў серыяла пакуль няма. (Showtime, красавік)
