Радыё

У Мінску пройдзе фэст батлеечных і лялечных тэатраў

© Sputnik / Виктор ТолочкоАктер Александр Жданович, архивное фото
Актер Александр Жданович, архивное фото - Sputnik Беларусь
Падпісацца
У чацвер у нядзельнай школе Свята-Елісавецінскага манастыра збяруцца лепшыя лялечныя і батлеечныя тэатры з пяці краін, каб паўдзельнічаць у III Міжнародным батлеечным фэсце "Нябёсы".
У Мінску пройдзе Калядны фэст батлеечных і лялечных тэатраў

Падрабязней пра праграму і ўдзельнікаў міжнароднага батлеечнага фэсту на радыё Sputnik Беларусь распавеў мастацкі кіраўнік і вядучы фэсту — акцёр тэатра імя Горкага Аляксандр Ждановіч.

"Фэст "Нябёсы" праходзіць падчас Каляд ужо трэці год запар. Тры гады таму у першым фэсце удзельнічалі ўсяго толькі 9 калектываў з Беларусі, а селета цягам чатырох дзён дзеці і бацькі змогуць убачыць 21 спектакль з Беларусі, Расіі, Польшчы, Украіны, Літвы", — адзначыў суразмоўца Sputnik.

Па словах Аляксандра Ждановіча, першыя фестывалі былі больш аматарскімі, а зараз у Беларусь прыязджаюць прафесійныя калектывы. Іх творчасць будзе ацэньваць прафесійнае журы — акцёры, тэатральныя крытыкі і мастацтвазнаўцы.

Царкоўныя нябёсы: фестываль батлеечных тэатраў адкрыўся ў Мінску - Sputnik Беларусь
Відэа
Царкоўныя "нябёсы": фестываль батлеечных тэатраў адкрыўся ў Мінску

Таксама Аляксандр Ждановіч распавеў і пра разнастайную праграму, якая будзе адбывацца ў перапынках паміж конкурснымі паказамі: гасцей чакаюць музычныя імпрэзы, сустрэчы з казачнымі персанажамі, выстава батлеечных скрыняў і калядная крама.

"Будуць таксама майстар-класы па пескаграфіі, саломапляценні, стварэнні калядных анёлаў з фетру. Увогуле, на адной пляцоўцы збіраюцца неабыякавыя творчыя людзі, якія цікавяцца батлеечным мастацтвам", — удакладніў Ждановіч.

Міжнародны калядны фэст батлеечных і лялечных тэатраў мае і дабрачынную місію. Тэатральныя калектывы са спектаклямі выступаюць у медыцынскіх установах, інтэрнатах і адукацыйных цэнтрах.

Размову з мастацкім кіраўніком і вядучым Міжнароднага каляднага фэсту батлеечных і лялечных тэатраў Аляксандрам Ждановічам слухайце на радыё Sputnik Беларусь.

Стужка навiн
0