МІНСК, 17 сту — Sputnik. Канцэрты, сродкі ад якіх ідуць на лячэнне цяжкахворых дзяцей, праводзяцца на Гродзеншчыне ўжо не першы год і ахопліваюць усё новыя рэгіёны. Чарговы пройдзе, напрыклад, у Лідзе, а сабраныя грошы дапамогуць мясцовай дзяўчынцы, якая зараз знаходзіцца ў клініцы Германіі.
Выліўся ж "Марафон дабра" з "Праменьчыка надзеі" — менавіта так назваў свой праект пяць год таму Валерый Готка, да якога далучыліся і іншыя музыканты. Дуэт з Іванам Валадзько аказаўся трывалым і доўжыцца да гэтага часу.
Ашмянскія музыкі ладзяць свае выступленні ў розных рэгіёнах Гродзеншчыны, а дабрачынныя канцэрты праходзяць пры поўных залах.
