МІНСК, 18 сту — Sputnik. Улады горада Кайлі правінцыі Гуйчжоў на паўднёвым захадзе Кітая ў рамках барацьбы з марнатраўствам і празмернасцямі забаранілі парам, якія паўторна заключаюць шлюб, ладзіць вясельныя банкеты, паведамляе — РІА "Новости".
Згодна з новымі правіламі, апублікаванымі адміністрацыяй горада Кайлі, спачатку трэба звярнуцца ў мясцовы орган па кантролі за дысцыплінай, перш чым праводзіць вясельны банкет або прыём з нагоды пахавання.
Паведамляецца, што ўлады забаранілі правядзенне банкетаў па любых іншых выпадках, акрамя вяселляў і пахавання.
Гэта ўжо не першы выпадак, калі ў Кітаі прымаюцца спецыфічныя меры ў рамках барацьбы з марнатраўствам.
Раней у студзені ўлады павета Тайцянь у правінцыі Хэнань абмежавалі памер грашовых сродкаў, якія дазваляецца траціць на вяселлі або пахаванне.
