Выходныя ў Мінску: куды пайсці 21 і 22 студзеня

© Sputnik / Виктор ТолочкоМарозны дзень
Марозны дзень - Sputnik Беларусь
"Жахлівая" гісторыя пра нявесту ад расійскіх кінематаграфістаў, "Аіда" ў Вялікім, а таксама бясплатны майстар-клас італьянскай мовы і іншыя найбольш цікавыя варыянты культурнага вольнага часу ў аглядзе Sputnik.

МІНСК, 19 сту — Sputnik. Адзіны выходны, які пакінулі працоўным на гэтым тыдні лёс і беларускі ўрад, яшчэ не падстава правесці яго на канапе. Да таго ж яшчэ ёсць вечар суботы.

Некалькі варыянтаў — дзе зарадзіцца эмоцыямі і ўражаннямі, культурна і душэўна адпачыць у гэты ўік-энд — сабраны ў аглядзе ад Sputnik.

Жудасная "Нявеста"

У пракат выйшаў расійскі фільм жахаў "Нявеста". Гэта ўжо не першая спроба маладога расійскага рэжысёра Святаслава Падгаеўскага напалохаць гледачоў. Да гэтага былі "Уладанне 18" і "Пікавая дама: Чорны абрад". І калі першы блін, мяркуючы па зборах, апынуўся камяком, то ў другім выпадку карціна Падгаеўскага змагла сабраць больш за 2 мільёны долараў пры бюджэце менш чым паўмільёна.

© Sputnik / Евгения Новоженина / Перайсці ў фотабанкАктрыса Аляксандра Рабёнак на прэм"еры фільма "Нявеста" ў кінатэатры "Формула Кіно на Кутузаўскім" у Маскве.
Премьера фильма Невеста - Sputnik Беларусь
Актрыса Аляксандра Рабёнак на прэм"еры фільма "Нявеста" ў кінатэатры "Формула Кіно на Кутузаўскім" у Маскве.

Новы жах — пра маладую жанчыну Насцю, якая прыехала знаёміцца са сваякамі мужа. Яго сям'я ўгаворвае Насцю правесці таямнічы вясельны абрад па сваіх традыцыях, і жанчыну пачынаюць палохаць страшныя сны і незразумелыя прадчуванні.

"Аіда" ў оперным

У суботу ў оперным даюць "Аіду" — прафесар Прэабражэнскі б ацаніў. Гэта магчымасць упрыгожыць вечар, назіраючы за трагічнай гісторыяй пра каханне, аформленай Джузэпэ Вердзі ў прыгожую музыку і пераасэнсаванай беларускімі пастаноўшчыкамі — дырыжорам Вячаславам Волічам і рэжысёрам Міхаілам Панджавідзэ.

© Sputnik Виктор ТолочкоОпера "Аіда" Вялікага тэатра оперы і балета
Опера Аида Большого театра Беларуси - Sputnik Беларусь
Опера "Аіда" Вялікага тэатра оперы і балета

 

Калі: у суботу.

Дзе: у Нацыянальным акадэмічным Вялікім тэатры оперы і балета Беларусі.

Кошт квіткоў: ад 4 да 100 рублёў.

Сэлфі ў музеі

Калі па нейкай прычыне ў вас не атрымалася далучыцца да Міжнароднай акцыі #MuseumSelfie, якая ў сераду праходзіла ва ўсіх сусветных і многіх беларускіх музеях, ёсць шанец нагнаць упушчанае ў выходныя. Нацыянальны цэнтр Сучасных мастацтваў падоўжыў свой удзел у акцыі да канца тыдня.

© Sputnik / Григорий Сысоев / Перайсці ў фотабанкСэлфі ля Венеры
Селфи у Венеры Миилосской в Лувре - Sputnik Беларусь
Сэлфі ля Венеры

Каб паўдзельнічаць у акцыі, досыць зрабіць сэлфі на фоне любога экспаната НЦСМ і размясціць яго на сваіх старонках у сацсетках з хэштэгам #MuseumSelfie, #MuseumSelfie2017 і #NCSM.

Аўтараў трох самых цікавых здымкаў абяцаюць заахвоціць квіткамі на тры выставы НЦСМ на працягу 2017 года.

Калі: у суботу і нядзелю.

Дзе: Нацыянальны цэнтр сучасных мастацтваў.

Бясплатны італьянскі майстар-клас

Цуд не абяцаюць, але гарантуюць, што ўжо пасля першага занятку слухачы бясплатнага майстар-класа змогуць вымавіць свае першыя фразы на італьянскай мове. Бясплатны майстар-клас па італьянскаму мове для пачаткоўцаў арганізуе "Майстэрня поспеху". Вучыць будуць з выкарыстаннем еўрапейскіх камунікатыўных методык, дзякуючы якім, настойваюць арганізатары, усяго толькі за 1 гадзіну можна асвоіць асновы замежных моў. Бонусам для ўдзельнікаў, якія вырашаць працягнуць навучанне, стане зніжка на адукацыйны курс.

Калі: субота і нядзеля ў 12:00.

Дзе: культурны і адукацыйны цэнтр "Майстэрня поспеху".

Minsk Urban Weekend

Маштабнае падзея для ўсіх удзельнікаў і прыхільнікаў вулічнай культуры пройдзе ў суботу ў шматфункцыянальнай арт-прасторы "Верх". Анансуюць кінапаказ, маркет з адзеннем і ежай, танцавальны батл і маштабнае afterparty з галоўнымі айчыннымі прадстаўнікамі beat- і bass- сцэны. Як абяцаюць арганізатары, у гэтую суботу тэрыторыя прасторы "Верх" ператворыцца ў дом для кожнага адэпта стрыт-культуры і наглядна прадэманструе, што гэты горад яшчэ не заснуў канчаткова.

Калі: у суботу ў 15:00.

Дзе: шматфункцыянальная арт прастора "Верх".

Кошт квітка: 10 рублёў.

Начныя катанні ў Сілічах

На працягу падоўжанага працоўнага тыдня амаль не застаецца магчымасці атрымаць асалоду ад зімы — той самай, сапраўднай, якой нас песціць прырода ў гэтым годзе. Таму ногі, дакладней, лыжы, а таксама санкі, лядзянкі і цюбінгі ў рукі — і на горку. На горных лыжах зараз можна катацца не толькі днём, але і ўначы.

© Sputnik / Константин Родиков / Перайсці ў фотабанкНа горных лыжах можна катацца і днём, і ноччу
На горных лыжах теперь можно кататься не только днем, но и ночью - Sputnik Беларусь
На горных лыжах можна катацца і днём, і ноччу

Аргумент, што няма часу, не прымаецца. У гарналыжным цэнтры Сілічы пакатацца можна нават уначы.

У пятніцу і суботу тут чакаюць усіх жадаючых на начныя катанні, прычым для гасцей адкрыта ў тым ліку і вучэбная траса, а таксама пункты пракату і сноўпарк.

Калі: у суботу з 22:00 да 1:00.

Дзе: гарналыжны цэнтр Сілічы.

Стужка навiн
0
Спачатку новыяСпачатку старыя
loader
У эфіры
Заголовок открываемого материала
Міжнародны
InternationalEnglishАнглійскіMundoEspañolІспанскі
Еўропа
DeutschlandDeutschНямецкіFranceFrançaisФранцузскіΕλλάδαΕλληνικάГрэчаскіItaliaItalianoІтальянскіČeská republikaČeštinaЧэшскіPolskaPolskiПольскіСрбиjаСрпскиСербскіLatvijaLatviešuЛатышскіLietuvaLietuviųЛітоўскіMoldovaMoldoveneascăМалдаўскіБеларусьБеларускiБеларускі
Закаўказзе
АҧсныАҧсышәалаАбхазскіԱրմենիաՀայերենАрмянскіAzərbaycanАzərbaycancaАзербайджанскіХуссар ИрыстонИронауАсецінскіსაქართველოქართულიГрузінскі
Бліжні Усход
Sputnik عربيArabicАрабскіTürkiyeTürkçeТурэцкіSputnik ایرانPersianФарсіSputnik افغانستانDariДары
Цэнтральная Азія
ҚазақстанҚазақ тіліКазахскіКыргызстанКыргызчаКіргізскіOʻzbekistonЎзбекчаУзбекскіТоҷикистонТоҷикӣТаджыкскі
Усходняя і Паўднёва-Усходняя Азія
Việt NamTiếng ViệtВ'етнамскі日本日本語Японскі俄罗斯卫星通讯社中文(简体)Кітайскі俄罗斯卫星通讯社中文(繁体)Кітайскі
Паўднёвая Амерыка
BrasilPortuguêsПартугальскі