МІНСК, 25 сту — Sputnik. У рамках Года беларускай культуры на Сардзініі аб'яўлены адкрыты конкурс на выбар народнага музычнага калектыва, які прыме ўдзел у двух канцэртах з 10 па 15 мая 2017 года.
Першы канцэрт пройдзе пад адкрытым небам у галоўным гарадскім парку горада Кальяры, сталіцы Сардзініі, другі канцэрт будзе праходзіць у вядомым музычным клубе ў горадзе Сасары.
Калектывы, якія жадаюць прыняць удзел, павінны складацца з 5 музыкаў, сярод іх павінны быць музыканты, якія ўмеюць спяваць. Праграма канцэрта жывой музыкі павінна быць разлічана не менш чым на 1,5 гадзіны.
Праграма выступу павінна ўтрымліваць музычныя традыцыі этнічных груп, якія пражываюць у Беларусі, каб прадставіць італьянскай публіцы ўсё мультыкультурнае багацце краіны.
Кожны ўдзельнік калектыву павінен мець пры сабе як мінімум два народныя канцэртных касцюма.
Зацікаўленыя калектывы павінны падаць заяўку на ўдзел не пазней 3 лютага 2017 г., адправіўшы на адрас электроннай пошты belarusconsolatosar@gmail.com наступную інфармацыю:
- назва калектыву і прэзентацыі;
- пра кожнага выступоўцу неабходна паведаміць: фамілію, імя, імя па бацьку і фамілію, імя (на лацінцы, як у пашпарце), дату нараджэння, музычны інструмент і вакал (калі музыкант спявае), фатаграфію, кароткую прэзентацыю;
- праграму меркаванага канцэрту;
- тэхнічныя патрабаванні;
- 3 фота калектыву, зробленых за апошні перыяд (у тым складзе, які плануецца да ўдзелу ў канцэртах на Сардзініі);
- мінімум 3 відэа-спасылкі ў інтэрнэце на выступы.
Удзел у гэтай канцэртнай праграме — унікальная магчымасць выйсці на міжнародную арэну і ўнесці свой уклад у папулярызацыю беларускай культуры.
Дадатковую інфармацыю аб конкурсе можна атрымаць у СА "Італа-беларускі цэнтр супрацоўніцтва і адукацыі "Сардзінія" па адрасе: г. Мінск, вул. 3 Верасня 1А. тэл.: 8 (017) 256 93 92, 8 (044) 754 63 08, 8 (033) 315 38 37, Факс. 8 (017) 256 94 41, e-mail: info@sardinia.by.
