МІНСК, 27 сту — Sputnik. Беларускія навукоўцы анансавалі масавую вытворчасць айчынных квадракоптэраў. Спецыяльна для Sputnik намеснік дырэктара РУП "НПЦ Шматфункцыянальных беспілотных комплексаў" Аляксандр Шчаўлёў распавёў падрабязнасці інавацыйнага праекту.
Па яго словах, да канца лета плануецца выпусціць першыя эксперыментальныя ўзорныя квадракоптэры для выкарыстання ў сельскай гаспадарцы. Далей будзе рэалізоўвацца праект масавай вытворчасці для розных варыянтаў выкарыстання.
Намеснік дырэктара ўдакладніў, што "будзе два віды квадракоптэраў для сельскай гаспадаркі. Першая мадэль будзе выкарыстоўвацца для назірання за палямі, а другая для ўнясення ўгнаенняў, хімічных прэпаратаў".
"Гэта на 100% будзе беларуская рапрацоўка ад ідэі да праграмнага забеспячэння. Свой праграмны комплекс, які выкарыстоўваецца ва ўсіх нашых мадэлях беспілотнікаў, будзе ўсталяваны на наш квадракоптэр. Магчыма, будуць выдзеленыя лічбавыя каналы сувязі, каб мець магчымасць у рэжыме рэальнага часу перадаваць дадзеныя", — распавёў Аляксандр Шчаўлёў.
Спецыяліст дадаў, што характарыстыкі першай мадэлі квадракоптэра прадугледжваюць максімальную вагу 5-6 кг, дальнасць палёту да 10 км, нагрузка на борце не болей 1 кг, час палёту 30-40 хвілін.
Намесніка дырэктара асабліва засцярозіў увагу на канкурэнтаздольнасці беларускай распрацоўкі, бо рынак квадракоптэраў расце ва ўсім свеце моцнымі тэмпамі. "Наш квадракоптэр будзе танней замежных аналагаў у 1,5 разы. Гэта дасягнута дзякуючы вопыту рапрацоўкі беспілотных комплексаў і ўласнаму праграмнаму комплексу", — рэзюмаваў ён.
