МІНСК, 27 сту — Sputnik. Сіноптыкі абяцаюць цёплае і хмарнае надвор'е на бліжэйшыя выходныя, у краіну пасля маразоў зноў вяртаецца адліга, паведаміў Sputnik у пятніцу начальнік службы гідраметэаралагічных прагнозаў Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Дзмітрый Рабаў.
"На выходных чакаецца сырое, туманнае з павышаным тэмпературным рэжымам і спакойнае надвор'е. Панаваць будуць цёплыя і вільготныя паветраныя масы атлантычнага паходжання. Захаваецца пераважна воблачнае надвор'е", — сказаў Рабаў.
Паводле яго слоў, 28 студзеня ў асобных раёнах рэспублікі невялікія ападкі — мокры снег, дождж, будзе туман, слабы галалёд, на дарогах галалёдзіца. Тэмпература ноччу 0°C..-5°C, днём ад —2°C..+3°C. У Мінску ў суботу будзе без істотных ападкаў, тэмпература ноччу 0°C..-2°C, днём 0°C..+2°C.
29 студзеня ўначы будзе пераважна без ападкаў, днём у асобных раёнах, у асноўным па захадзе краіны, невялікія ападкі — мокры снег і дождж, тэмпература ноччу 0°C..-7°C, па ўсходзе пры праясненнях да 9 марозу, а ўдзень ад —4°C..+2°C, сказаў сіноптык.
Па Мінску ў другой палове дня магчымы невялікі мокры снег, тэмпература ўначы —2°C..-4°C, днём 0°C..-2°C, распавёў суразмоўца агенцтва.
30 студзеня, у панядзелак уначы рэспубліка будзе знаходзіцца на заходняй перыферыі антыцыклона з цэнтрам над Варонежскай вобласцю, днём з поўдня Балтыкі на паўночны захад краіны перамесціцца франтальны раздзел, удакладніў Рабаў.
"Уначы ў асобных раёнах, днём пераважна ў паўночна-заходніх і цэнтральных раёнах рэспублікі невялікі снег, мокры снег. На асобных участках дарог галалёдзіца. Тэмпература ноччу —1°C..-8°C, днём —5°C..+1°C, у паўднёва-ўсходніх раёнах ноччу пры праясненнях да —11°C, днём —6°C..-8°C", — сказаў Рабаў.
У Мінску ў панядзелак чакаецца невялікі снег, слабыя туман і галалёд, на асобных участках дарог галалёдзіца, тэмпература ўначы і днём —3°C..-5°C.
