Радыё

Як вядучыя Sputnik паведамілі Аляксандру Ціхановічу пра ордэн Скарыны

© Sputnik / Елена СеменоваАляксандр Ціхановіч і Ядзвіга Паплаўская з прыхільнікам іх творчасці
Аляксандр Ціхановіч і Ядзвіга Паплаўская з прыхільнікам іх творчасці - Sputnik Беларусь
Падпісацца на
У лістападзе 2016 года ўказам Аляксандра Лукашэнкі народны артыст Беларусі Аляксандр Ціхановіч быў узнагароджаны ордэнам Францыска Скарыны, пра апошнюю ў сваім жыцці ўзнагароду легендарны артыст даведаўся ад вядучых радыё Sputnik.
Как ведущие Sputnik сообщали Александру Тихановичу про орден Скорины

Вядучыя радыё Sputnik Беларусь Вячаслаў Шарапаў і Аляксандр Крывашэеў успамінаюць, як 24 лістапада 2016 года першыя патэлефанавалі Аляксандру Ціхановічу, каб павіншаваць артыста з прысваеннем ордэна.

Вестку аб узнагароджанні ордэнам Францыска Скарыны народны артыст Беларусі спачатку прыняў як жарт, але вядучыя хутка развеялі яго сумневы.

"Я ўдзячны і Беларусі, і прэзідэнту за такую высокую ацэнку маіх сціплых прац. Мне вельмі прыемна", — сказаў Ціхановіч.

Вядомы артыст таксама заўважыў, што гэта хутчэй іх ўзнагарода на дваіх з жонкай, Ядвігай Паплаўскай. "Я толькі, ці ведаеце, так… агранка гэтай выдатнай жанчыны", — удакладніў Ціхановіч.

Народны артыст Беларусі Аляксандр Ціхановіч памёр у ноч на суботу 28 студзеня ў 10-й гарадской клінічнай бальніцы Мінска на 65-м годзе жыцця. Пра смерць свайго бацькі ў сацсетках паведаміла дачка артыста спявачка Анастасія Ціхановіч.

Прэзідэнт Беларусі Аляксандр Лукашэнка накіраваў спачуванні родным і блізкім народнага артыста краіны Аляксандра Ціхановіча ў сувязі з яго смерцю. Словы глыбокага смутку па прычыне незаменнай страты ў беларускай культуры выказаў і міністр культуры Беларусі Барыс Святлоў.

Развітанне з народным артыстам Беларусі Аляксандрам Ціхановічам пройдзе ў панядзелак 30 студзеня ў Беларускай дзяржаўнай філармоніі.

Успаміны Вячаслава Шарапава і Аляксандра Крывашэева аб прысваенні народнаму артысту Беларусі Аляксандру Ціхановічу апошняй у яго жыцці ўзнагароды — ордэна Францыска Скарыны — слухайце на радыё Sputnik Беларусь.

Стужка навiн
0
Спачатку новыяСпачатку старыя
loader
У эфіры
Заголовок открываемого материала