Міжнародны вакальны конкурс "Ты супер!", сумесны праект тэлекампаніі НТБ і міжнароднага інфармацыйнага агенцтва Sputnik, стартуе 11 лютага. У ходзе папярэдніх кастынгаў для ўдзелу ў тэлепраекце НТБ "Ты супер!" ад Беларусі былі выбраны дзве беларускі — Дар'я Чарнова з Мінска і Анастасія Краўчэня з Калінкавічаў. Зараз дзяўчыны знаходзяцца ў Маскве, дзе ідзе падрыхтоўка да першага туру праекта.
Карэспандэнт Sputnik пагаварыў з Дар'яй Чарновай пра тое, як вакалісту падтрымаць сябе ў добрай фізічнай форме.
"З дзяцінства я займалася рытмікай, затым народнымі танцамі, а ад танцаў пайшла любоў да фізічнай нагрузкі. Я ўсё цела падтрымліваю ў тонусе, але асаблівую ўвагу ўдзяляю прэсу, таму што для вакаліста важна мець цвёрдую і моцную апору", — падзялілася са Sputnik Даша.
Больш даведацца пра Дашу вы можаце з відэа Sputnik Беларусь.
Праект НТБ "Ты супер!" дорыць шанец таленавітым дзецям, якія засталіся без апекі бацькоў, заявіць пра сябе: яго ўдзельнікамі стануць выхаванцы дзіцячых дамоў, школ-інтэрнатаў і дзеці з прыёмных сем'яў. Музычныя таленты будуць прадстаўлены дзецьмі з 10 краін, уключаючы Азербайджан, Арменію, Беларусь, Грузію, Малдову, Казахстан, Кыргызстан і Эстонію. Вядучым праекта будзе Вадзім Такмянёў. У рамках праекта з удзельнікамі будуць працаваць прафесійныя педагогі і музычны прадзюсар. Таксама на працягу ўсяго шоў дзеці змогуць працягнуць навучанне па школьнай праграме.
