МІНСК, 2 сту — Sputnik. Вось ужо на працягу 25 год у вёсцы Стрэльна Іванаўскага раёна Брэсцкай вобласці працуе "Дом зёлак" — філіял Мотальскага музея народнай творчасці. Тыя ж, хто пабываў тут, называюць яго музеем зёлак ці нават цэнтрам народнай медыцыны, паколькі ў экспазіцыі прадстаўленна 110 відаў траў.
Тут вам раскажуць пра сотні народных рэцэптаў, гаючыя ўласцівасці траў, міма якіх мы праходзім кожны дзень, а таксама пра час іх нарыхтовак. Тым больш што фітапаляванне распачнецца зусім хутка: ужо ў сакавіку збіраюць пупышкі бярозы, шышкі вольхі і сасны.
Траўніца Галіна Іванаўна Вайцяшук дзеліцца з наведвальнікамі сакрэтамі фітатэрапіі, пра якія даведалася яшчэ ад бабулі, якая за свае 97 год практычна не звярталася да ўрачоў.
Для тых, хто не гоніцца за экзотыкай, а імкнецца спазнаць хараство беларускай зямлі, "Дом зёлак" стане адкрыццём.
