МІНСК, 2 лют — Sputnik. "Школа разумнага харчавання" з 4 лютага пачне працаваць на базе абласнога цэнтра гігіены, эпідэміялогіі і грамадскага здароўя, паведамляецца на сайце Віцебскага аблвыканкама.
І гэты праект мае важкія падставы для свайго старту.
У Беларусі ад залішняй вагі пакутвае каля 60% дарослага насельніцтва, прычым з кожным годам колькасць беларусаў, якія маюць лішнюю вагу, павялічваецца ў сярэднім на 3 тысячы.
Што асабліва сумна, палова з іх — гэта дзеці і падлеткі. Спасылацца толькі на спадчыннасць тут не варта. Лішнія кілаграмы з'яўляюцца з-за таго, што людзі не выконваюць элементарныя правілы харчавання: аддаюць перавагу хуткім вугляводам у выглядзе макарон, булачак, цукерак, смажанай бульбы, паўфабрыкатаў, злоўжываюць фастфудам. Перакусы на хуткую руку замяняюць паўнавартасны абед, ядуць па 1-2 разы у дзень замест належных пяці. Навучыць правільнаму падыходу да рацыёну, а значыць, і свайго здароўя, і заклікана "Школа разумнага харчавання".
Спецыялісты цэнтра падкажуць, як папярэдзіць шматлікія хваробы, звязаныя з залішняй вагой, як скласці свой рацыён, каб атрымліваць усё неабходнае і нічога лішняга, як разабрацца ў калорыях, глікемічных азначніках, рацыянальнасці, збалансаванасці і іншых хітрасцях здаровага харчавання.
