МІНСК, 3 лют — Sputnik. Беларускі тэнісіст Ілля Івашка (175-е месца ў сусветным рэйтынгу) пацярпеў паразу ў стартавым паядынку першага раўнда Еўра-Афрыканскай зоны I Кубка Дэвіса паміж зборнымі Беларусі і Румыніі, паведамляе Sputnik.
Паядынак паміж беларусам Іллёй Івашка і румынам Адрыянам Унгуру (313) адбыўся ў пятніцу ў сталічным Палацы спорту. Сустрэча завяршылася перамогай гасцей з лікам 2:6, 7:5, 5:7, 4:6.
"Я часам прайграю у тым ліку на Кубку Дэвіса", — цытуе Івашка "Прессбол".
Спартсмен заўважыў, што Унгур "сыграў важныя моманты ледзь лепш мяне". "Таму ўсё сумленна", — сказаў Івашка.
У пятніцу адбудзецца яшчэ адзін паядынак адзіночнага разраду: на корт выйдуць Ягор Герасімаў (341) і Марыюс Копіл (129).
Заўтра, 4 лютага, адбудзецца парная гульня, у нядзелю — яшчэ два адзіночныя паядынкі.
Пераможца матчу Беларусь-Румынія ў наступным раўндзе барацьбы за выхад у Сусветную групу ў верасні згуляе з камандай Аўстрыі.
