МІНСК, 6 лют — Sputnik. Вельмі халоднае надвор'е пратрымаецца ў Беларусі да выходных, паведаміў Sputnik начальнік службы гідраметэаралагічных прагнозаў Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Дзмітрый Рабаў.
"Паветраныя масы, якія ідуць з Карскага мора, абумовяць вельмі халоднае надвор'е на гэтым тыдні. Толькі ў выхадныя дні характар надвор'я крыху зменіцца — з'явіцца воблачнасць і маразы аслабнуць. Уначы будзе 8-15, пры праясненнях да мінус 20, а днём 3-10 градусаў марозу", — адзначыў сіноптык.
Паводле яго слоў, дадатковае адчуванне холаду будзе ствараць моцны вецер, тэмпература па адчуваннях апынецца на 5-7 градусаў ніжэй фактычнай. Ён паведаміў, што ў аўторак тэмпература на працягу сутак будзе 12-18 марозу, па паўднёвым захадзе 8-11, ноччу па паўночным усходзе пры праясненнях 19-22 градусаў марозу.
У сераду маразы яшчэ больш памацнеюць — уначы будзе 13-20, па паўночным усходзе 21-24 градусаў марозу, пры праясненнях 25-28, днём ад дзевяці градусаў марозу па паўднёвым захадзе і да 17 марозу па паўночным усходзе, сказаў Рабаў.
У чацвер ноччу 13-20 градусаў марозу, па паўночным усходзе 21-24, пры праясненнях 25-28, днём ад мінус васьмі па паўднёвым захадзе да мінус 17 па паўночным усходзе, сказаў сіноптык.
У пятніцу ноччу будзе 12-19, пры праясненнях 20-25 марозу, днём мінус 5-12, удакладніў суразмоўца агенцтва.
