Прафесіяналы або дзеці: хто маляваў лагатыпы да 1000-годдзя Брэста

© Sputnik / Виктор ТолочкоБрэсцкая крэпасць
Брэсцкая крэпасць - Sputnik Беларусь
Конкурс па распрацоўцы лагатыпу і слогана да 1000-годдзя Брэста выклікаў гарачае абмеркаванне ў СМІ і сацыяльных сетках.

БРЭСТ, 7 лют — Sputnik, Дзмітрый Босак. Малюнки, дасланыя на адкрыты конкурс, былі апублікаваныя 23 студзеня на сайце Брэсцкага гарвыканкама. Усяго 23 работы, іх стваральнікі — як прафесійныя дызайнеры, так і звычайныя гараджане.

Па ўмовах конкурсу вынікі анлайн-галасавання будуць улічаны конкурснай камісіяй пры вызначэнні пераможцаў. Праз два тыдні пасля старту галасавання лідзіруючую пазіцыю займае фотаздымак дзіцячага малюнка. Яго "лайкнулі" больш за 11 тысяч разоў. На другім месцы трымаецца лагатып, намаляваны ілюстратарам Ганнай Рэдзько — каб абагнаць лідэра, яму не хапае каля 5 тысяч галасоў.

"Сацыяльная" рэакцыя

Лідзіруючае фота выклікала мноства водгукаў у сацыяльных сетках. Яно стала адрывацца ад канкурэнтаў у першы ж дзень галасавання. З-за ўдзелу дзіцячага малюнка і іншых работ, зробленых, на думку берасцейцаў, "на каленцы", у сацсетках сталі негатыўна выказвацца ў дачыненні да конкурсу.

Частка гараджан незадаволеная тым, што "няма з чаго абраць" з-за нізкага мастацкага ўзроўню работ. Іншыя абураюцца, чаму распрацоўку брэнда горада не аддалі ў рукі прафесіяналаў. Некаторыя шукаюць падвох у дзеяннях гарвыканкама, які нібыта не хоча марнаваць грошы на стварэнне эмблемы.

Што меў на ўвазе аўтар?

Sputnik пагутарыў з аўтарамі некалькіх работ, даведаўся іх меркаванне аб конкурсе і пра сэнс, які яны ўкладваюць у свой дызайн.

© Photo : Анна РедькоЛагатып, створаны Ганнай Рэдзько
Логотип Бреста, созданный Анной Редько - Sputnik Беларусь
Лагатып, створаны Ганнай Рэдзько

Ілюстратар Ганна Рэдзько стварыла ўніверсальны лагатып Брэста з шасці малюнкаў — яны закранаюць розныя сферы гарадскога жыцця. У кожнага ёсць беларуская, руская і англійская версіі.

"Ёсць асноўны лагатып да юбілею горада, заснаваны на гербе са слоганами "1000 год!". Але Брэст можа мець не адзін, а адразу некалькі лагатыпаў, якія маюць турыстычную накіраванасць. У турыстычных лагатыпах застаецца назва горада, а знакавая і тэкставая часткі слогана адлюстроўваюць разнастайнасць горада, тых уражанняў, якія госці і турысты могуць атрымаць, пабываўшы тут", — распавяла яна.

© Photo : GrafitЛагатып студыі Grafit
Логотип, представленный на конкурсе студией Grafit - Sputnik Беларусь
Лагатып студыі Grafit

У брэсцкай студыі аўтарскага дызайну Grafit адзначылі, што ідэя іх лагатыпа заснавана на геалагічных пластах грунту.

"За аснову ўзяты стылізаваны герб горада Брэста, падзелены на дзесяць слаёў, якія, у сваю чаргу, сімвалізуюць стагоддзя", — патлумачылі ў студыі.

© Photo : Александр ЧеботаревЛагатып Аляксандра Чабатарова
Конкурсный вариант минского дизайнера Александра Чеботарева - Sputnik Беларусь
Лагатып Аляксандра Чабатарова

Дызайнер з Мінска Аляксандр Чабатароў, які прапанаваў варыянт лагатыпа ў выглядзе вежы, лічыць, што арганізатары конкурсу не далі магчымасць растлумачыць удзельнікам, што значыць той ці іншы вобраз.

"Нельга проста так узяць і спытаць у людзей, што лепш — круг ці квадрат, без зразумелых зыходных даных і без тлумачэнняў. Патрэбны выразныя і зразумелыя любому чалавеку крытэрыі", — сказаў Чабатароў.

На яго думку, лагатып не павінен несці прамалінейны сэнс.

"Мой лагатып уключае ў сябе сістэму, якая маштабуецца, падмацавана тысячагоддзем і месцазнаходжаннем цудоўнага горада Брэста. Калі ўзяць аддалены прыклад з зразумелых сэнсаў, то лагатып Apple ніякім чынам не паказвае, што кампанія займаецца тэхнікай і софтам, лагатып Нью-Ёрка ніякім чынам не паказвае сам горад. Мой лагатып напоўнены асэнсаванай метафарай, якая кажа пра тое, што Брэст — гэта моцная памежная апора, што раней там быў буйны рачны гандлёвы шлях", — растлумачыў аўтар.

© Photo : Анна ЯцкевичЛагатып Ганны Яцкевіч
Варианты логотипа города дизайнера-иллюстратора Анны Яцкевич - Sputnik Беларусь
Лагатып Ганны Яцкевіч

Дызайнер-ілюстратар Ганна Яцкевіч працавала ў камандзе з маркетолагам Аленай Бай. Разам яны не проста намалявалі лагатып, а распрацавалі брэнд горада. "Мы вырашылі прааналізаваць, якім чынам тысячагадовая гісторыя адлюстравалася на нашым горадзе. Таму што тысяча гадоў прайшло, а па горадзе рэальна гэтага не відаць. Таму мы пастараліся знайсці будынкі, якія былі б нейкімі знакавымі аб'ектамі сваёй эпохі. Мы пачалі яшчэ з сярэднявечча — быў Брэсцкі замак і ратуша, якіх цяпер ужо не існуе. Мы паспрабавалі ўзнавіць іх вобразы, і далей мы выкарысталі больш сучасныя вобразы, кожны з якіх адносіцца да свайго часу. Там ёсць і вакзал, асабняк "польскага часу" і сімвал новага часу — мост Заходняга абыходу", — распавяла Ганна.

© Photo : Михаил и Таисия ФилипповыЛагатып Філіпавых
Варианты, предложенные на конкурс супругами Филипповыми - Sputnik Беларусь
Лагатып Філіпавых

Рэкламная майстэрня Філіпава — мужа і жонкі Міхаіла і Таісіі — прадставіла свой варыянт, які быў зроблены так, што яго можна размясціць і на шарыкавай ручцы, і на вялікім банэры. Па словах Таццяны, Міхаіл мае выразнае ўяўленне пра тое, якім павінен быць лагатып і добры знак, так як вучыўся ў Мінскай акадэміі мастацтваў.

"Яго можна выкарыстоўваць як арнамент або ўстаўляць у аснову розных фота. Напрыклад, для кожнага раёна горада — сваё фота ўнутры знака", — патлумачылі Філіпава.

© Photo : Роман ДубинкаЛагатып Рамана Дубінкі
Логотип-звезда кобринского дизайнера Романа Дубинки - Sputnik Беларусь
Лагатып Рамана Дубінкі

Дызайнер з Кобрына Раман Дубінка лічыць, што адным з сімвалаў горада можна лічыць пяціканцовую чырвоную зорку — брама ў Брэсцкую крэпасць.

"Асколак на ёй, як асколкі на сценах Крэпасці, кожны дзень нагадвае пра той нялёгкі час, але пры гэтым паказвае, што нягледзячы ні на што людзі змагаліся і на сваім прыкладзе паказалі, як "запальваліся" зоркі ў іх сэрцах ", — растлумачыў дызайнер.

Чые птушачкі?

Па наяўнай інфармацыі, аўтар дзіцячага малюнка, вакол якога не цішэюць абмеркаванні, не ўказаў кантактныя дадзеныя для зваротнай сувязі, а электронны адрас, з якога ён быў адпраўлены — выдалены. Таму высветліць, быў гэта нечы жарт ці шчыры пасыл, ніякім чынам немагчыма.

© Photo : сайт горисполкома БрестаЛагатып невядомага аўтара
Логотип с птичками неизвестного автора - Sputnik Беларусь
Лагатып невядомага аўтара

У аддзеле ідэалагічнай работы, культуры і па справах моладзі паказалі, што многія аўтары не выканалі правілы афармлення работ пры адпраўцы. Камісія пакідае за сабой права здымаць лагатыпы з "накручанымі" галасамі і грубымі парушэннямі.

Анлайн-галасаванне працягнецца да 17 лютага. Арганізатары не выключаюць, што тэрміны правядзення конкурсу могуць быць прадоўжаны.

Стужка навiн
0
Спачатку новыяСпачатку старыя
loader
У эфіры
Заголовок открываемого материала
Міжнародны
InternationalEnglishАнглійскіMundoEspañolІспанскі
Еўропа
DeutschlandDeutschНямецкіFranceFrançaisФранцузскіΕλλάδαΕλληνικάГрэчаскіItaliaItalianoІтальянскіČeská republikaČeštinaЧэшскіPolskaPolskiПольскіСрбиjаСрпскиСербскіLatvijaLatviešuЛатышскіLietuvaLietuviųЛітоўскіMoldovaMoldoveneascăМалдаўскіБеларусьБеларускiБеларускі
Закаўказзе
АҧсныАҧсышәалаАбхазскіԱրմենիաՀայերենАрмянскіAzərbaycanАzərbaycancaАзербайджанскіХуссар ИрыстонИронауАсецінскіსაქართველოქართულიГрузінскі
Бліжні Усход
Sputnik عربيArabicАрабскіTürkiyeTürkçeТурэцкіSputnik ایرانPersianФарсіSputnik افغانستانDariДары
Цэнтральная Азія
ҚазақстанҚазақ тіліКазахскіКыргызстанКыргызчаКіргізскіOʻzbekistonЎзбекчаУзбекскіТоҷикистонТоҷикӣТаджыкскі
Усходняя і Паўднёва-Усходняя Азія
Việt NamTiếng ViệtВ'етнамскі日本日本語Японскі俄罗斯卫星通讯社中文(简体)Кітайскі俄罗斯卫星通讯社中文(繁体)Кітайскі
Паўднёвая Амерыка
BrasilPortuguêsПартугальскі