Як і раней супрацоўнікі памежнай службы ФСБ Расіі правяраюць пашпарты: перасякаць мяжу Беларусі і РФ могуць толькі грамадзяне Саюзнай дзяржавы. Пры гэтым дасканалы пашпартны кантроль не праводзіцца.
Памежныя зоны створаны на мяжы з Беларуссю ў Бранскай, Пскоўскай і Смаленскай абласцях Расіі. Згодна з рашэннем ФСБ РФ, гэта было зроблена ў мэтах выяўлення і спынення незаконнай міграцыі і перамяшчэння праз мяжу таварна-матэрыяльных каштоўнасцяў.
ФСБ таксама адзначыла, што дадзеная мера не абмяжоўвае свабоду перасячэння мяжы грамадзянамі Беларусі і Расіі. Пры гэтым падкрэсліваецца, што стварэнне памежнай зоны не супярэчыць міжнародным нормам.
