МІНСК, 13 лют — Sputnik. Фільм "На пяцьдзесят адценняў цямней" стаў лідэрам па касавых зборах у Беларусі, паведамілі Sputnik ва УП "Кінавідэапракат".
Па выніках мінулага тыдня ў сталічных кінатэатрах найбольшую цікавасць выклікала эратычная стужка паводле аднайменнага рамана Э. Л. Джэймс — "На 50 адценняў цямней" паглядзелі больш за 23 тысяч чалавек, якія прынеслі карціне 131,86 тысячы рублёў.
На другім месцы ў сталічным кінапракаце — новая стужка "Прыстанак зла", якая атрымала касу амаль у 34 тысячы рублёў. На трэцім радку — баявік "Джон Уік 2" і вынік у 30 тысяч рублёў.
Чацвёрты радок па касавых зборах тыдня 6-12 лютага заняў мультфільм "Лега фільм: Бэтман" (27,5 тысяч рублёў), пятую — фантастычная карціна Фёдара Бандарчука "Прыцягненне" (16,7 тысячы рублёў).
Вынік касавых збораў "На 50 адценняў цямней" у сталічных кінатэатрах апынуўся рэкордным з пачатку года: у 2017-м ніводны фільм не зарабляў у прэм'ерны тыдзень больш за 130 тысяч рублёў.
У сусветным пракаце "На 50 адценняў цямней" сабралі ў прэм'ерныя выходныя 146,9 мільёна долараў — практычна на трэць менш, чым два гады таму зарабілі "50 адценняў шэрага". Другі радок у сусветным рэйтынгу займае "Тры іксы: сусветнае панаванне", які за выходныя зарабіў $69,5 мільёнаў, трэцяе месца — "Лега фільм: Бэтман" і 37 мільёнаў долараў.
