МІНСК, 13 лют — Sputnik. "Прачытаў сам — падары іншаму" — такую акцыю прапагандуюць усе гарадскія бібліятэкі Гродна.
Аргнаізатары заклікаюць дзяцей і дарослых дарыць кнігі адзін аднаму, сябрам і родным, прыносіць іх у бібліятэкі для тых, хто ў іх асабліва мае патрэбу. Удзельнікам акцыі можа стаць кожны, ды і не толькі ў горадзе Гродна.
Упершыню Дзень кнігадарэння адзначылі ў 2012 годзе, і з кожным годам геаграфія свята расце.
Галоўная ідэя свята — натхняць людзей па ўсім свеце дарыць дзецям і адзін аднаму добрыя кнігі і паказаць, што папяровая кніга застаецца актуальным падарункам і не губляе сваёй каштоўнасці нават у стагоддзе тэхналогій.
