МІНСК, 13 лют — Sputnik. Брытанская спявачка Адэль (Adele) стала трыумфатарам 59-й цырымоніі ўручэння музычных узнагарод "Грэмі".
Цырымонія прайшла ўвечары ў нядзелю ў Лос-Анджэлесе. Прэміі "Грэмі" ўручалі ўжо ў 59-ы раз.
Па выніках цырымоніі, трыумфатарам "Грэмі" гэтага года стала спявачка Адэль — яна заваявала прэміі ў катэгорыях "Запіс года", "Песня года", "Лепшы поп-альбом" і "Лепшае сольнае поп-выкананне". Свае прызы Адэль атрымала за апошні альбом "25" і сінгл з пласцінкі "Hello".
Таксама за прыз у намінацыі "Лепшы поп-альбом" змагаліся "Lemonade" Бейонсе, "Views" канадскага рэпера Дрэйка, "Purpose" Джасцін Бібер і "A Sailor's Guide To Earth" кантры-рок-музыканта Стэрджэн Сімпсана.
У намінацыі "Песня года", акрамя "Hello" Адэль, былі прадстаўлены "Formation" Бейонсе, "Love Yourself" Джасціна Бібера, "7 Years" выканаўца Lukas Graham і "I Took a A Pill in Ibiza" Майка Познера. Акрамя Адэль, прэмій у рамках "Грэмі" былі ўдастоены Бейонсе, Дэвід Боўі (пасмяротна), Дрэйк, Twenty One Pilots і іншыя заходнія выканаўцы. Атрымаў узнагароду і расіянін — оперны спявак Мікалай Дзідзенка заваяваў прэмію за лепшае харавое выкананне.
