МІНСК, 14 лют — Sputnik. З 15 лютага па 15 жніўня разбураць гнёзны птушак забараняецца. Такія тэрміны вызначаны ў зменах да закона "Аб жывёльным свеце".
Змены ўступілі ў сілу з 30 ліпеня 2016 года і закранулі менавіта тэрміны, у якія дазваляецца абразаць галіны дрэў і разбураць гнёзды птушак, якія размешчаны на насаджэннях у населеных пунктах, жылых, вытворчых і культурна-бытавых пабудовах.
Дык вось, зрабіць гэта законна можна з 15 жніўня да 15 лютага. Пасля гэтай даты вушастыя совы ўжо селяцца ў мінулагоднія гнёзды гракоў, якія ў красавіку таксама адкладваюць яйкі.
Штраф, дарэчы, прадугледжаны не толькі за незаконнае знішчэнне гнёздаў, але і за кожнае птушаня, калі яно загіне пры разбурэнні: ад 18 да 30 базавых велічынь.
