МИНСК, 15 лют — Sputnik. Персанаж дэтэктыва Шэрлака Холмса, увасоблены брытанскім акцёрам Бэнэдыктам Камбербэтчам у серыяле Sherlock, стаў самым папулярным героем усіх часоў сярод гледачоў Бі-бі-сі, пацясніўшы з тэлевізійнага Алімпа культавы комік-гурт "Монці Пайтон" (Monty Python). Гэта паказала апытанне, праведзенае сусветнай службай тэлерадыёвяшчальнай карпарацыі сярод 7 тысяч чалавек. Яго вынікі былі апублікаваныя 15 лютага Бі-бі-сі.
Першае месца дэтэктыву, якія выйшаў у 13-ці серыях і чатырох сезонах серыяла, аддалі 30% удзельнікаў даследавання, якое ахапіла 7 краін, у тым ліку Аўстралію, Індыю, ЗША, Францыю і Японію.
Камбербэтчаўскі дэтэктыў здолеў апярэдзіць персанажа Доктар Хто з 26-ці сезонаў вельмі папулярнага навукова-фантастычнага серыяла (17,6%). На трэцім месцы апынуўся старшы інспектар Джон Лютар з дэтэктыўнага серыяла Luther ("Лютар", 2010-2015) у выкананні Ідрыса Эльбы (12,4%).
Першы эпізод фільма выйшаў у 2010 годзе, і з таго часу тэлесерыял з Марцінам Фрыманам ў ролі доктара Ватсана быў прададзены Бі-бі-сі 240 краінам. У 2011 годзе "Шэрлак" стаў уладальнікам тэлевізійнай прэміі БАФТА ў катэгорыі "Лепшы драматычны серыял", а эпізод "Эцюд у ружовых танах" атрымаў "Эмі" ў некалькіх намінацыях, у тым ліку за лепшы сцэнарый.
Камбербэтч першынстваваў і ў іншай катэгорыі. Кульмінацыйная сцэна яго падзення ў серыі "Рейхенбахскі вадаспад" была прызнана самай знакавай у гісторыі Бі-бі-сі.
