МІНСК, 15 сту — Sputnik. Віцэ-прэм'ер Беларусі Васіль Жарко запатрабаваў зрабіць якасныя падручнікі, якія не прыйдзецца штогод перапрацоўваць, пра гэта ён заявіў у хоте выніковай калегіі Мінадукацыі ў сераду.
Прэзідэнт і ўрад паставілі не так даўно задачу па ўдасканаленні навучальнага працэсу ў школах і перапрацоўкі навучальных праграм, а таксама падручнікаў. "Пралікаў і памылак пры распрацоўцы навучальных праграм нельга дапусціць. Праграмы павінны быць якаснымі, паслядоўнымі і ўзаемазлучанымі паміж прадметамі. Мною даручана міністру адукацыі стварыць працоўную групу па гэтым пытанні, прыцягнуць не толькі навукоўцаў, але і педагогаў, якія кожны дзень працуюць па гэтых праграмах", — прыводзіць БелТА словы Жарко.
Па даручэнні кіраўніка дзяржавы, цалкам абнавіць падручнікі неабходна да 2020 года. Паводле слоў Жарко, яны будуць больш даступнымі, інфарматыўнымі і неперагружанымі.
Недапушчальная і перагрузка дзяцей. "Грош цана ўсім нашым адукацыйным праграмам, калі кожны год стан здароўя дзяцей пагаршаецца. Таму распрацоўка новага пакалення праграм і падручнікаў павінна выключыць перагрузку дзяцей", — упэўнены віцэ-прэм'ер.
Віцэ-прэм'ер Беларусі Васіль Жарко раней заяўляў, што ў краіне будуць поўнасцю перапрацаваныя навучальныя праграмы і дапаможнікі для школьнікаў да пачатку новага навучальнага года, для чаго была створана спецыяльная рабочая група.
