МІНСК, 16 лют — Sputnik. Большасць расіян выступаюць супраць продажу Беларусі энергарэсурсаў па заніжаных цэнах, сведчаць дадзеныя Усерасійскага цэнтра даследавання грамадскай думкі (УЦДГД).
УЦДГД апублікаваў дадзеныя апытання па адносінах Расіі і Беларусі ў гэты чацвер. Высветлілася, што супраць зніжак на нафту і газ для Беларусі выступаюць 56% рэспандэнтаў, а за — толькі 38%. Супраць зніжак у асноўным выступаюць расіяне 45-59 гадоў, за прадастаўленне льгот — ва ўзросце ад 18 да 24 гадоў.
Таксама аказалася, што супраць продажу Беларусі энергарэсурсаў па цане ніжэй рынкавай 60% апытаных, згодныя на гэта 32%.
Дарэчы, тыя, што ведаюць пра доўг афіцыйнага Мінска перад "Газпрамам" яшчэ больш супраць скідак на энерганосьбіты — сярод іх праціўнікі прэферэнцый дасягаюць 69%.
Пераважная большасць апытаных (78%) выказаліся за ўвядзенне візавага рэжыму з Беларуссю з-за рашэння Мінска адмяніць абмежаванні на ўезд грамадзянам 80 краін, а захаваць адкрытыя межы хочуць толькі 16% расіян. Цікава, што сярод расіян 18-24 гадоў за стварэнне візавага рэжыму выступае пераважная большасць — 89%. Сяброўскай дзяржавай Беларусь назвалі 40% расіян, гандлёвым і эканамічным партнёрам — 35%, а стратэгічным — 9%. Каля чатырох працэнтаў жыхароў Расіі лічаць Беларусь канкурэнтам, а яшчэ тры працэнты — і зусім супернікам.
