Пра свой удзел у палітычных ток-шоў на расійскіх тэлеканалах НТБ i ТВЦ і пра вялікае інтэрв'ю ізраільска-амерыканскаму тэлеканалу RTVi на радыё Sputnik Беларусь расказаў першы намеснік старшыні Ліберальна-дэмакратычнай партыі Беларусі Алег Гайдукевіч.
Суразмоўца Sputnik адзначыў, што асноўнай тэмай дэбатаў ва ўсіх эфірах былі цяперашнія ўзаемаадносіны Беларусі і Расіі.
"Я ўсюды казаў адно і тое ж. Самае галоўнае — не абвастраць. Шмат хто зацікаўлены ў тым, каб нас пасварыць, але не атрымаецца. Так, ёсць праблемы, гэта і алігархі расійскія, і амбіцыі нейкіх службовых асоб, але нашы саюзніцкія адносіны і стратэгічнае партнёрства — усё гэта каштуе нашмат вышэй. І я расійскім калегам раіў не драматызаваць сітуацыю", — сказаў Гайдукевіч.
Палітык лічыць цалкам прымальнымі рэзкія выказванні кіраўніка дзяржавы на адрас расійскіх калегаў, паколькі гэта абарона нацыянальных інтарэсаў Беларусі.
"Што мне спадабалася, прэзідэнт на сустрэчы з экспертамі і журналістамі сышоў ад гэтай дыпламатычнай мовы і адкрыта, сумленна і з павагай, але выказаў тое, што яму не падабаецца. Гэта прыстойна. І мы чакаем таго ж ад Расійскай Федэрацыі. Нічога страшнага, сядзем і дамовімся. У нас няма іншага шляху, акрамя як вырашыць гэтыя праблемы", — сказаў Гайдукевіч.
Пры гэтым Гайдукевіч падчас удзелу ў расійскіх ток-шоу пераканаўся ў тым, што расійскія палітыкі, якія сапраўды маюць вагу ў грамадстве, не дапускаюць рэзкіх ацэнак у дачыненні да сваіх беларускіх калегаў.
"Саюз важней, чым усе звады. А маргінальныя сілы, як у Беларусі так і ў Расіі, заўсёды спрабуюць тэму ізноў падняць і нейкія дывідэнды атрымаць асабіста для сябе. У інтэрв'ю RTVI я сказаў, мы павінны думаць не пра імгненныя прыбыткі, і мы гэта раім нашым калегам з Газпрома і іншым расійскім кампаніям, а аб доўгатэрміновым супрацоўніцтве", — распавёў Гайдукевіч.
Па словах палітыка, краінам — удзельніцам ЕАЭС у перспектыве неабходна сфармаваць такую эканамічную мадэль, якая не толькі будзе канкураваць з рынкамі Еўрапейскага саюза, але і будзе пераўзыходзіць іх.
"Для гэтага трэба працаваць на працягу некалькіх гадоў і дзесьці нават адступіцца ад сваіх імгненных прыбыткаў, але зрабіць так, каб усе, хто ўваходзіць у ЕАЭС, адчулі на сабе карысць гэтага саюза ў рэальным паляпшэнні ўзроўню жыцця, заробкаў, пенсій, умоў для вядзення бізнесу на агульным рынку", — канстатаваў Гайдукевіч.
Гутарку з першым намеснікам старшыні Ліберальна-дэмакратычнай партыі Беларусі Алегам Гайдукевічам аб расійска-беларускіх адносінах слухайце на радыё Sputnik Беларусь.
