МІНСК, 24 лют — Sputnik. Перамовы прэзідэнта РФ Уладзіміра Пуціна і прэзідэнта Турцыі Рэджэпа Таіпа Эрдагана пройдуць у Маскве 9-10 сакавіка, паведаміў прэс-сакратар расійскага лідара Дзмітрый Пяскоў.
Раней турэцкі тэлеканал NTV паведаміў, што Эрдаган правядзе афіцыйныя сустрэчы ў Расіі 9-10 сакавіка. Акрамя сустрэчы з Пуціным, турэцкі прэзідэнт возьме ўдзел у пасяджэнні расійска-турэцкага Савета супрацоўніцтва вышэйшага ўзроўню (ССВУ).
"Так. Такія перамовы плануюцца", — сказаў Пяскоў.
Паводле інфармацыі СМІ, бакі плануюць абмеркаваць двухбаковыя адносіны, павелічэнне эканамічнага і гандлёвага супрацоўніцтва, а таксама пастаўкі ў Турцыю сістэм С-400.
Па дадзеных прэс-службы Крамля, раней кіраўнікі дзвюх дзяржаў па тэлефоне абмеркавалі актуальныя пытанні развіцця расійска-турэцкага ўзаемадзеяння ў гандлёва-эканамічнай і іншых сферах, у тым ліку з улікам падрыхтоўкі да запланаванага ў сакавіку пасяджэння ў Расіі ССВУ.
