Радыё

Вяртанне "Народнага альбома": канцэрт да 20-гадовага юбілею праекта

© SputnikАлександр Кривошеев (Помидоров)
Александр Кривошеев (Помидоров) - Sputnik Беларусь
Падпісацца
Сёлета сваё 20-годдзе адзначае "Народны альбом" — культавы музычны праект пра жыццё беларускага мястэчка ў час паміж Першай і Другой сусветнымі войнамі, 24 лютага канцэрт-мюзікл знакамітага праекту ўпершыню за 10 год пройдзе ў Мінску.
Вяртанне "Народнага альбома": канцэрт да 20-гадовага юбілею праекта

"Народны альбом" — беларускі супольны музычны праект, скампанаваны і выдадзены ў 1997 годзе. На фэстывалі "Рок-каранацыя-97" прызнаны альбомам году, праходзіў у намінацыі "Найлепшыя тэксты году".

Песні з "Народнага альбому" сталі сапраўднымі хітамі: "Простыя словы", "Край ты мой, край", "Кантрабандыст", "Паляўнічы ты мой, паляўнічы", трылогія пра Казіка і Юзіка і іншыя.

Удзельнік "Народнага альбому", знакаміты музыкант і вядучы радыё Sputnik Аляксандр Крывашэеў (ён жа Аляксандар Памідораў) распавёў пра тое, чым музыкі будуць здзіўляць слухачоў падчас музычнай імпрэзы. 

Музыкант и исполнитель Змитер Войтюшкевич - Sputnik Беларусь
Радыё
Вайцюшкевіч пра Барадуліна: "дзед" даваў ёмкія характарыстыкі

"Здзіўляць будзем тым, што гэта будзе сур'езным чынам адноўлены "Народны альбом". Раней калектыў складаўся з 11-12 чалавек, цяпер гэта амаль 20 чалавек на сцэне. Гэта поўным складам славуты наш джазавы калектыў "Яблычная гарбата" альбо "Apple Tea". Таксама прыцягнулі да працы квартэт "Акварэлі" ў складзе скрыпка, альт, кантрабас і габой. Заслухваешся так, что забываеш у пэўны час уступіць", — распавёў Памідораў.

Таксама ў канцэрт уведзеныя духавыя інструменты, і, канешне, публіку чакае сустрэча з пяцёркай асноўных вакалістаў — Лявонам Вольскім, Змітром Вайцюшкевічам, Касяй Камоцкай, Веранікай Кругловай і Аляксандрам Памідоравым. Будуць выкананыя ўсе 27 песень, якія складаюць "Народны альбом".

Памідораў адзначыў, што 20 год праекту споўніцца толькі ў снежні, аднак музыкам вельмі прыемна святкаваць юбілей на працягу ўсяго 2017 года.

Упершыню за дзевяць гадоў праект Народны альбом вяртаецца ў Мінск - Sputnik Беларусь
Упершыню за дзевяць гадоў праект "Народны альбом" вяртаецца ў Мінск

"Адбываюцца такія рэчы, што нават даўно знаёмыя песні атрымліваюць нейкае новае гучанне, да таго ж, новыя музыкі даюць новыя фарбы, і пэўная ступень адказнасці прысутнічае, ёсць мандраж, але ўжо прысутнічае і досвед", — адзначыў Памідораў.

Суразмоўца нагадаў, што ў верасні 2016 года ў Беластоку (Польшча) адбыўся музычны спектакль напярэдадні святкавання 20-годдзя "Народнага альбому", на канцэрт у зале Падляскай оперы прыехала багата беларусаў, "Простыя словы" спявалі на біс двойчы. 

Гутарку з Аляксандрам Памідоравым пра юбілей музычнага праекта "Народны альбом" слухайце на радыё Sputnik Беларусь.    

Стужка навiн
0