Як зімой выглядаюць каруселі ў дзіцячым парку

Sputnik зазірнуў у Цэнтральны дзіцячы парк імя Горкага і сфатаграфаваў змёрзлыя каруселі, якія застылі ў чаканні вясны.

Кантраст галоўнага забаўляльнага парку сталіцы летам і зімой уражвае. Не чутны звон атракцыёнаў і дзіцячыя воклічы, шапікі не прадаюць цукровую вату і нават каву, мастакі не малююць шаржы, ніхто не прапануе сфатаграфавацца з пітонам.

Некалькі дзяцей шпацыруюць у парку з бацькамі: падкормліваюць галубоў.

Летнія забавы зімой недаступныя. Касы атракцыёнаў зачыненыя, на весніцах вісяць замкі. Многія каруселі пакрытыя вялізнымі поліэтыленавымі мяшкамі, каб не прамоклі.

Аўтадром пустуе: машыны прыбраныя ў цяпло. Ажыве парк толькі вясной. Традыцыйна сезон пачнецца ў красавіку.