МІНСК, 28 лют — Sputnik. Нацыянальны мастацкі музей Рэспублікі Беларусь 16 сакавіка запрашае мінскіх тэатралаў на драму "Смех у цемры", пастаўленую акцёрамі Магілёўскага абласнога драматычнага тэатра. Рэжысёр — Саўлюс Варнас.
Паводле словаў арганізатараў, "Камера абскура" — адзін з самых змрочных і разам з тым захапляльных твораў Уладзіміра Набокава. Сціснутая, як спружына, і простая, як формула, гэта кніга прысвечана балючай страсці дарослага чалавека да дзяўчыны-падлетка; гэту тэму пісьменнік пасля развіў у сваёй знакамітай "Лаліце".
"Пра што гэта драма? Перш за ўсё, аб духоўнай слепаце, з-за якой мы часам гатовыя кінуць на алтар пачуццёвасці сям'ю, сяброў, кар'еру, гонар, нават само жыццё. А яшчэ гэта гісторыя пра каханне, але не пра тое, якое стварае, акрыляе і нясе святло, а пра тое, што разбурае, прыгнятае і асляпляе сваю няшчасную ахвяру. Галоўны герой Бруна Крэчмар, які па-вар'яцку захапіўся 16-гадовай дзяўчынай Магдай і паступова губляе ўсё, што раней здавалася яму такім дарагім: жонку і дачку, звыклае кола зносін, любімую працу, сам сэнс існавання. Сітуацыя становіцца яшчэ больш безнадзейнай, калі на даляглядзе ўжо з'яўляецца ўдачлівы сапернік — цынічны і жорсткі мастак Горн. Не застаецца ніякіх сумненняў, што развязка будзе трагічнай", — распавялі ў мастацкім музеі.
Над спектаклем працавалі:
- аўтары інсцэніроўкі — Ніна Мазур, Саўлюс Варнас;
- рэжысёр-пастаноўшчык — Саўлюс Варнас;
- сцэнаграфія, мастак па святлу, падбор музыкі да спектакля — Саўлюс Варнас;
- спектакль вядзе асістэнт рэжысёра Вольга Махунова.
Ролі выконваюць:
- Бруна Крэчмар — лаўрэат Нацыянальнай тэатральнай прэміі Рэспублікі Беларусь Іван Трус
- Аўтар — Іван Трус
- Голас Магды — Аляксандра Мятальнікава (Літва)
- Голас Макса, брата Магды — Вячаслаў Лук'янаў (Літва)
Калі: 16 сакавіка ў 19:00
Працягласць спектакля — 1 гадзіна (без антракту)
Узроставае абмежаванне — 16+
Кошт уваходнага білета — 11 руб.
