МІНСК, 7 сак — Sputnik. Беларускія міністры павіншавалі жанчын з Днём 8 Сакавіка, адзначыўшы, што яны натхняюць, дапамагаюць спраўляцца з любымі нягодамі, а таксама валодаюць высокім прафесіяналізмам.
Міністр культуры Барыс Святлоў у сваім віншаванні адзначыў, што для яго вобраз жанчыны быў і застаецца ўвасабленнем пяшчоты і матчынай любові, святла і дабрыні.
Ён таксама адзначыў высокі прафесіяналізм, талент, адказнасць і адданасць сваёй справе прадстаўніц прыгожай паловы чалавецтва, якія працуюць у сферы культуры.
Кіраўнік Міністэрства ўнутраных спраў Беларусі Ігар Шуневіч упэўнены, што прысутнасць "дарагіх дам у міліцэйскіх шэрагах гарманізуе ведамства". Ён пажадаў жанчынам, якiя працуюць у органах унутраных спраў, шчасця, здароўя, усмешак.
В этот хмурый непогожий день кадровики @GUVD_Minsk, оркестр и мимы сделали настоящий подарок женщинам #моямилиция накануне #8марта! pic.twitter.com/cmHbuCiJMt
— GUVD_Minsk (@GUVD_Minsk) 7 марта 2017 г.
Начальнік ГУУС Мінска генерал-маёр Аляксандр Барсукоў назваў 8 Сакавіка "святам любові, вясны і жаноцкасці". Пры гэтым ён падкрэсліў, што ў міліцыі працуе нямала жанчын на самых розных пасадах, у тым ліку — і на кіруючых.
"Нашых жанчын не палохаюць ні манатонныя руцінныя абавязкі, ні складаныя фізічныя нагрузкі і небяспека", — адзначыў начальнік ГУУС.
Тэлеграма і прыём ад імя міністра
Міністр сувязі і інфарматызацыі Сяргей Папкоў напярэдадні 8 сакавіка даў прыём у гонар жанчын і накіраваў віншавальную тэлеграму.
Министр связи и информатизации направил поздравительную телеграмму в преддверии Дня женщин https://t.co/UaVPeEFUDU pic.twitter.com/9gPHtUFBs8
— Минсвязи (@minsvyazby) 6 марта 2017 г.
Кіраўнік Мінсувязі адзначыў, што "8 Сакавіка — самы пяшчотны і цудоўны дзень у годзе". У сваёй тэлеграме жанчынам-падначаленым ён пажадаў, каб іх "жыццёвы шлях быў роўным і безжурботным", а таксама "пажыццёвага шчасця, квітнеючага настрою, неўвядальнай маладосці, прыемных запамінальных сюрпрызаў і ажыццяўлення жаданняў".
Саладуха як падарунак
Міністр спорту і турызму Аляксандр Шамко у сваім віншаванні адзначыў, што жанчыны натхняюць, дапамагаюць спраўляцца з любымі нягодамі.
Паводле яго слоў, і ў спорце менавіта жанчыны часцей за ўсё дамагаюцца высокіх вынікаў і ўслаўляюць нашу краіну.
Для жанчын — супрацоўнікаў спартыўнай галіны напярэдадні 8 сакавіка выканаў свае шлягеры Аляксандр Саладуха.
