Легенда Галактыкі: у Брэсце адкрылася выстава, прысвечаная Церашковай

© Sputnik / Дмитрий БосакУ Брэсце адкрылася выстава, прысвечаная Церашковай
У Брэсце адкрылася выстава, прысвечаная Церашковай - Sputnik Беларусь
Падпісацца
На фотаздымках прадстаўлена перадпалётная падрыхтоўка першай жанчыны-касманаўта, грамадскае жыццё Валянціны Церашковай, а таксама яе сустрэчы з лідэрамі дзяржаў.

БРЭСТ, 8 сак — Sputnik. Аддзяленне Прадстаўніцтва Рассупрацоўніцтва адкрыла ў выставачнай зале Брэсцкай крэпасці да 80-годдзя першай жанчыны-касманаўта Валянціны Церашковай фотавыставу "Легенда Галактыкі".

Раскосмас прысвяціў Церашковай памятнае відэа - Sputnik Беларусь
Відэа
Раскосмас прысвяціў Церашковай памятнае відэа

Выстава расказвае пра дзейнасць Церашковай. На ёй прадстаўлены больш за паўсотні фотаздымкаў, публікацый, кніг і копій архіўных дакументаў.

Як распавяла кіраўніца прадстаўніцтва Рассупрацоўніцтва ў Брэсце Алена Маслава, арганізатары звяртаюцца да тэмы жыцця і працы Церашковай, так як пасля свайго палёту гэтая жанчына вельмі шмат часу аддавала грамадскай рабоце.

"Гэта жанчына-легенда і сімвал стагоддзя. Яна была старшынёй Камітэта савецкіх жанчын амаль 20 гадоў і амаль столькі ж узначальвала Саюз савецкіх таварыстваў дружбы — гэта папярэднік нашага Рассупрацоўніцтва. Пры ёй закладваліся асновы народнай дыпламатыі — тое, чым цяпер займаюцца расійскія цэнтры навукі і культуры за мяжой", — сказала Маслава.

© Sputnik / Дмитрий БосакЭкспанаты выставы ў Брэсце - прадукты харчавання для касманаўтаў
Экспонаты выставки в Бресте - продукты питания для космонавтов - Sputnik Беларусь
Экспанаты выставы ў Брэсце - прадукты харчавання для касманаўтаў

Паводле яе слоў, Церашкова сваёй дзейнасцю змагла дамагчыся таго, што грамадская арганізацыя Саюз савецкіх таварыстваў дружбы перарасла ў дзяржаўную структуру і з'яўляецца часткай МЗС РФ як федэральнае агенцтва "Рассупрацоўніцтва".

© Sputnik / Дмитрий БосакСярод экспанатаў не толькі фота, але і макеты, а таксама карціны
Среди экспонатов не только фото, но и макеты, а также картины - Sputnik Беларусь
Сярод экспанатаў не толькі фота, але і макеты, а таксама карціны

"На наш погляд, Церашкова — гэта агульны здабытак не толькі расійскага народа, але і беларускага, паколькі карані з Беларусі, яна з'яўляецца ганаровым жыхаром Віцебска. Тыя подзвігі, якія яна здзяйсняла, той палёт у космас з'яўляюцца падарункамі не толькі для расіянаў, але і для беларусаў", — паведаміў Sputnik генеральны консул Расійскай Федэрацыі ў Брэсце Ігар Канякін.

© Sputnik / Дмитрий БосакНа выставе можна прачытаць, што пісалі савецкія газеты пра першага касманаўта Юрыя Гагарына
На выставке можно прочесть, что писали советские газеты о первом космонавте Юрии Гагарине - Sputnik Беларусь
На выставе можна прачытаць, што пісалі савецкія газеты пра першага касманаўта Юрыя Гагарына

Фотавыстава — сумесны праект Расійскага цэнтра навукі і культуры ў Брэсце, Раскосмасу і мемарыяльнага комплексу. Вялікая частка фатаграфій сабрана прадстаўніцтвам Расійскай Федэрацыі ў Брэсце. Некаторыя экспанаты, напрыклад карціны касманаўта і мастака Аляксея Лявонава, скафандр Пятра Клімука, макет ракеты і касмічнае харчаванне, былі знойдзены ў фондах "Брэсцкай крэпасці".

"Нейкія фатаграфіі з архіваў, нейкія з інтэрнэту. Але частка фатаграфій па-свойму ўнікальная. Тут побач з Валянцінай Уладзіміраўнай не толькі касманаўты, яе сябры па атрадзе, але і людзі, якія характарызавалі палітычны складнік Савецкага Саюза або іншых дзяржаў мінулага стагоддзя", — распавяла намеснік дырэктара мемарыяльнага комплексу "Брэсцкая крэпасць-герой" Ларыса Бібік.

© Sputnik / Дмитрий БосакВалянціна Церашкова у трэнажоры касмічнага карабля "Усход"
Валентина Терешкова в тренажере космического корабля Восток - Sputnik Беларусь
Валянціна Церашкова у трэнажоры касмічнага карабля "Усход"

Выстава "Легенда Галактыкі" будзе экспанавацца ў выставачнай зале Брэсцкай крэпасці да сярэдзіны красавіка.

Стужка навiн
0