МІНСК, 8 сак — Sputnik. Нацыянальны цэнтр сучасных мастацтваў 25 сакавіка запрашае гледачоў на спектакль эксперыментальнага тэатра "Галава — Нага" пад назвай "Мова Х" паводле вершаў сучаснай беларускай паэткі Вальжыны Морт.
"Мова Х" — гэта спектакль-рытуал. Гледачы запрашаюцца да ўдзелу ў рытуале-прысвячэнні роднай мове. Нарадзіцца разам з мовай, дапамагчы ёй пасталець, развіцца, сустрэцца з перашкодамі і перарадзіцца ізноў", — распавялі арганізатары.
Аснову рытуалу складзе традыцыйнае тэатральнае кола. Застацца ці вырвацца з гэтага кола — кожны мусіць вырашыць для сябе сам.
Нагадаем, спектакль атрымаў спецыяльны прыз у намінацыі "Найлепшая эксперыментальная праца" на міжнародным тэатральным фестывалі "Тэатральны Куфар — 2016".
Дзе: НЦСМ (Някрасава, 3).
Калі: 25 сакавіка ў 17:30 і 19:00.
Кошт: 5 руб. Квіткі можна набыць у касе НЦСМ ці анлайн.
