МІНСК, 11 сакавіка — Sputnik. Беларуская біятланістка Дар'я Домрачава стала трэцяй у спрынтарскай гонцы на дзесятым этапе Кубка свету ў фінскім Кантыялахці, паведамляе Sputnik.
У пятніцу ў Кантыялахці стартаваў перадапошні этап КС па біятлоне. У першы дзень спаборніцтваў адбылася жаночая спрынтэрская гонка (7,5 км).
Першае месца заняла нарвежка Цірыль Экхаф, каб пераадолець дыстанцыю, ёй спатрэбілася 19 хвілін 18,4 секунды (0 промахаў). Другой стала нямецкая біятланістка Лаўра Дальмайер (18,3 секунды; 1 промах). Трэцяй стала беларуска Дар'я Домрачава (+20,4 секунды; 0). Нагадаем, для трохразовай алімпійскай чэмпіёнкі гэта другі п'едэстал у гэтым сезоне — раней беларуска была другой у пасьюце на Чэмпіянаце свету.
Што да іншых беларусак, то яны фінішавалі наступным чынам:
26. Надзея Скардзіна (+1 хвіліна 10,4 секунды; 0)
61. Дар'я Юркевіч (+2 хвіліны 8,1 секунды; 1)
69. Ірына Крыўко (+2 хвіліны 30,2 секунды; 2)
80. Надзея Пісарава (+3 хвіліны 0,3 секунды; 2)
Усяго стартавалі 94 спартсменкі.
