У суботу ўвечары сталічнае "Дынама" запрасіла заўзятараў на "Мінск-Арэну" убачыць майстар-шоу хакеістаў, а затым іх гульню з камандай фан-клуба BYzone.
Найперш у "зуброў" праверылі снайперскія навыкі: гульцы павінны былі збіваць паветраныя шарыкі, развешаныя па кутах брамы. Затым хакеісты вызначылі, у каго самы моцны ўдар. Завяршэннем майстар-класа сталі буліты.
У другой палове развітальнага вечара "Дынама" згуляла з камандай фан-клуба BYzone. Паралельна матчу праходзіў стрым "Дынама-ТБ-шоу", у якім на пытанні заўзятараў адказвалі галоўны трэнер Крэйг Вудкрафт і члены трэнерскага штаба.
