МІНСК,12 сак — Sputnik. Няўстойлівае надвор'е чакаецца ў Беларусі ў нядзелю 12 сакавіка — будзе халаднавата і па ўсёй краіне пройдуць дажджы, паведамілі Sputnik ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
Раней сіноптыкі папярэджвалі аб кароткачасовым пахаладанні ў канцы тыдня, удакладніўшы, што затым цяпло зноў вернецца ў рэспубліку.
"Будзе воблачна з праясненнямі, на большай частцы тэрыторыі пройдуць невялікія ападкі, у асноўным дождж", — сказалі ў Гідрамеце.
Там таксама паведамілі, што вецер будзе слабы, паўночна-ўсходняга напрамку, а максімальная тэмпература паветра днём складзе +3.. +9°C.
У Мінску днём таксама чакаецца невялікі дождж, а тэрмометры пакажуць +4..+6°C.
