Новая экранізацыя дыснэеўскай казкі "Прыгажуня і пачвара" з зоркай "патэрыяны" Эмай Уотсан у галоўнай ролі выйшла ў беларускі пракат 16 сакавіка. Ажыятажу фільму адразу дадалі прэтэнзіі абаронцаў маральнасці да персанажаў з нетрадыцыйнай сэксуальнай арыентацыяй ў фільме, якому першапачаткова прысвойвалі рэйтынг 6+ (дзіцячае і сямейнае кіно).
Член Асацыяцыі кінакрытыкаў Казахстана Дзмітрый Маставы ў выходныя паглядзеў нашумелы фільм "Прыгажуня і пачвара" і падзяліўся сваім меркаваннем на радыё.
"Не заўважыць некаторых персанажаў, не заўважыць некаторыя сцэны, ніяк не зразумець, пра што яны, даросламу чалавеку немагчыма. Ніякіх адкрытых сцэн ў карціне, зразумела, няма, але намёкі досыць празрыстыя. Больш за тое, Лефу там не адзіны персанаж нетрадыцыйнай сексуальнай арыентацыі. Іншае пытанне ў тым, што я цалкам і катэгарычна супраць якіх-небудзь забаронаў, асабліва ў тым, што тычыцца культуры і мастацтва", — распавёў Маставы.
У Расіі стужцы спачатку прысвойвалі рэйтынг 6+, і афішы з такім абмежаваннем выкарыстоўваліся і ў Беларусі. Аднак на старце пракату ўзроставае абмежаванне было перагледжана з-за наяўнасці ў фільме персанажа нетрадыцыйнай сэксуальнай арыентацыі — на расійскія сеансы "Прыгажуні і пачвары" пускаюць гледачоў старэйшых за 16 гадоў, на беларускіх афішах фільма ў інтэрнэце паказана абмежаванне 12+.
Рэжысёрам "Прыгажуні і пачвары" выступіў Біл Кондан, раней ён здымаў "Дзяўчат мары", "Прыцемкі", "Пятую ўладу" і іншыя фільмы, а ў свой час атрымаў і "Оскар" як лепшы сцэнарыст. Галоўныя ролі ў карціне выконваюць вядомая па фільмах пра Гары Потэра актрыса Эма Уотсан і Дэн Стывенс.
Каментар кінакрытыка Дзмітрыя Маставога пра новую экранізацыю казкі "Прыгажуня і пачвара" слухайце на радыё Sputnik Беларусь.
