МІНСК, 20 сак — Sputnik. Якое месца займае Беларусь у міжнародным рэйтынгу самых шчаслівых краін і чаго не хапае беларусам для поўнага шчасця, высвятляе Sрutnik.
Падраздзяленнем ААН Sustainable Development Solutions Network (Сетка для пошуку рашэнняў устойлівага развіцця — Sputnik) у панядзелак апублікаваны штогадовы даклад Інстытута Зямлі Калумбійскага ўніверсітэта World Happiness Report. Эксперты прааналізавалі ўзровень жыцця ў 155 краінах, ацанілі ўзровень ВУП на душу насельніцтва, узровень сацыяльнай падтрымкі грамадзян дзяржавай, працягласць здаровага жыцця грамадзян, свабоду грамадзян самастойна прымаць жыццёва важныя рашэнні, шчодрасць і стаўленне да карупцыі.
Згодна з дакументам першы радок у рэйтынгу самых шчаслівых краін свету займае Нарвегія. У першую дзясятку таксама ўваходзяць:
- Данія (якая страціла ў гэтым годзе першынство),
- Ісландыя,
- Швейцарыя,
- Фінляндыя,
- Нідэрланды,
- Канада,
- Новая Зеландыя,
- Аўстралія,
- Швецыя.
Самымі нешчаслівымі краінамі сталі:
- Цэнтральнаафрыканская рэспубліка (апошняе, 155 месца), усходнеафрыканская дзяржава Бурундзі (154),
- Танзанія (153),
- Сірыя (152),
- Руанда (151),
- Тога (150).
Беларусь у рэйтынгу-2017 займае 67-ю пазіцыю, размясціўшыся адразу за Эстоніяй. Sputnik вырашыў высветліць у сваіх чытачоў, чаго ім не хапае для поўнага шчасця.
