МІНСК, 21 сак — Sputnik. Міністэрства спорту і турызму Польшчы разам з Нацыянальнай турыстычнай арганізацыяй запусціць акцыю для падарожнікаў пад назвай "Выхадныя за паўцаны", гаворыцца ў паведамленні Мінспорту краіны.
Акцыя запланавана з 31 сакавіка па 2 красавіка. Гэтыя дні ў Польшчы абыдуцца турыстам удвая танней, чым звычайна.
Для таго, каб выбраць месцы, якія прапануюць скідкі для падарожнікаў, падрыхтавана спецыяльная мапа. У акцыі бяруць удзел сотні гасцініц, хостэлаў, устаноў грамадскага харчавання, музеяў і іншых аб'ектаў.
Мерапрыемства праводзіцца ў Польшчы ўжо другі год. У 2016 годзе за "уцэнены" ўік-энд краіну наведалі больш як 60 тысяч падарожнікаў. У гэтым годзе Мінспорту Польшчы чакае павелічэнне патоку турыстаў да 100 тысяч за адны выхадныя.